Скарлетт Йоханссон “Black Widow”-ийн буухиаг Флоренс Пьюд шилжүүлсэн үү?

2020-07-17 20:51:18

Наташа Романоффийн дүрийг бүтээж, MCU-ийн нэгэн байр суурийг эзэлж байсан Скарлетт Йоханссон "Black Widow" киногоор буухиагаа Флоренс Пьюд шилжүүлж байгаа бололтой хэмээн 7-р сарын 6-ны өдөр Америкийн “Empire” сайт нийтэлжээ. 

"Black Widow" киноны найруулагч Кейт Шортланд ярилцлагын үеэрээ “Скарлетт Йоханссоны хувьд “Black Widow” бүтээл нь түүний сүүлийн тойрог байх болно. Харин Флоренс Пьюгийн хувьд одоо дөнгөж эхэлж байна” хэмээгээд "Авержерс: Эцсийн тулаан кинонд Наташа Романофф үхсэн нь түүний шүтэн бишрэгчдэд хүнд туссан учраас BLACK WIDOW -ийг Флоренс Пью үргэлжлүүлнэ" гэж мэдэгджээ. 

Мөн тэрээр “Бид Флоренс Пьюг хэчнээн чадварлаг гэдгийг нь мэдээгүй байсан. Түүнийг гайхалтай гэдгийг нь мэдэж байсан боловч, хэчнээн гайхалтай болохыг нь анзаараагүй байсан. Өөр нэгэн эмэгтэй баатрын тухай түүхийг бүтээх болно” гэжээ. Энэ нь Флоренс Пью “Black Widow” киногоор эхлэлээ тавьж Скарлетт Йоханссоны халааг үргэлжлүүлэх 2 дахь BLACK WIDOW болно гэдгийг хэлж байгаа бололтой. BLACK WIDOW нэрийг үргэлжлүүлэх үү, эсвэл өөр нэрээр кинонд дүр бүтээх эсэх нь тодорхойгүй байна. Гэхдээ “Авенжерс” цувралын BLACK WIDOW -ийн дүрийг үргэлжлүүлэх нь ойлгомжтой.    

Үүнээс харахад “Black Widow” кино “Авенжерс: Эцсийн тулаан”-аас хойш MCU-ийн шинэ хуудас эхэлж байгааг харуулах бүтээл болох нь ээ. “Авенжерс”-ийн түүх “Авенжерс: Эцсийн тулаан”-аар дууссан боловч, “Black Widow”-оор Наташагийн өнгөрсөн үе рүү буцаж очсоноор цуврал эхэлж байгааг мэдэгдэх ажээ.  

Скарлетт Йоханссоны “Black Widow” соло кино 11-р сарын 6-ны өдөр олны хүртээл болно. Энэ оны 4-р сард нээлтээ хийхээр төлөвлөж байсан боловч, коронавируст халдвар дэгдэхэд Америкийн кино театруудын үйл ажиллагаа зогсохтой зэрэгцэн өдрөө хойшлуулсан байна.  

Зургийн эх сурвалж: Disney