“ТЕНЕТ” киноны арын ая урдаас нь хойш, хойноос нь урагш тоглуулахад адил...

2020-08-31 17:50:09

Ухрааж тоглуулахад яг адилхан ая сонсогддог гэж үү? Тийм бол бүрэн төгс боловсруулсан гоц ухаантай дууны найруулагчийн бүтээл гэж хэлж болох нь ээ. “ТЕНЕТ” киноны зарим саундтрек нь киноныхоо нэр шигээ урдаас нь хойш, хойноос нь урагш явуулахад ч адилхан аятай буюу палиндром(palindrome) хэлбэртэй гэсэн яриа гарчээ. Өмнө нь цацагдсан олон трэйлерийн арын хөгжимд үндэслэн урдаас нь хойш, хойноос нь урагш явуулах хувилбаруудыг харьцуулсан sound source-ууд youtube зэрэг нийгмийн сүлжээнд маш хурдацтай тархаж байгаа бөгөөд тухайн бичлэг дэх ая нь анхны аятайгаа яг адилхан байгаа ажээ.     

Дууг хойноос нь урагш тонгоруулахад өөр дууны үг гардаг “backmasking”-аас өөр боловч, үүнийг зориуд бүтээсэн гэвэл үнэхээр “шар үс босмоор” гойд гэдэг нь үнэн болох нь ээ. Үүний талаар “ТЕНЕТ” киноны холбогдох хүмүүс “Огт мэдээгүй байсан” гэж сандарсан байдалтай мэдэгдэж, “Зориуд ийнхүү бүтээсэн үү, эсхүл санаандгүй ийм болчхов уу гэдгийг яг одоо мэдэхэд бэрх. Кристофер Нолан найруулагчаас үүний талаар хариулт өгөөч гэж хүсэлт явуулсан байгаа” хэмээн уламжилжээ. 

Киноны багийн хэлснээр, киноны нэрийн “TENET”-ээс ч бас мэдэж болох шиг урдаас хойш, хойноос нь урагш адилхан уншигдах “палиндром” нь киног ойлгоход маш чухал сэжүүр болж байгаа ажээ. Үзүүштэй, сонирхолтой түүхийг өгүүлж, бүрэн төгс ойлгохын тулд тодорхой “сургуулилалт” ч бас шаардагдаж ирсэн Кристофер Нолан найруулагчийн өмнөх бүтээлүүд шиг “ТЕНЕТ” ч бас маш их хүлээлтийг үүсгэж, сонирхлыг ихээр татаж байгаа бөгөөд нээлтийн сountdown-даа ороод байгаа аж. 

“ТЕНЕТ” кино 9-р сарын 11-ний өдөр нээлтээ хийнэ. 

Зургийн эх сурвалж: Warner bros