“20-р зуун Фокс” гэдэг брэнд байхгүй болно...
2020-09-03 23:38:49
8-р сарын 11-ний өдөр CNN-ийн бизнес мэдээнд дурдсанаар Дисней компани өнгөрсөн жилээс эзэмшсэн 20th Century Fox Television брэндийн “зуун(Century)” болон “фокс(Fox)”-ыг арилган нэрийг нь солихоор болсоноо мэдэгджээ. Шинэ нэр нь “20-р телевиз(20th Television)”. Энэ нь Дисней компани Фоксынх гэж эндүүрэгдэх магадлалыг зогсоохын тулд хийж байгаа алхам гэж тайлбарлажээ.
Өмнө нь Дисней компани 2020 оны 1-р сарын 20-ны өдөр “20th Century Fox Television”-ийн нэрийг ч мөн “20th Studios” болгон өөрчилсөн. Мөн Дисней компани нь салбар компани болох ABC Studios болон ABC Signature Studios-ыг “ABC Signature”-ээр, “Fox 21th Television Studios”-ыг “Touchstone Television”-ээр тус тус нэрийг нь өөрчлөхөө мэдэгдсэн байна.
1935 онд 20th Century Pictures, Fox Films гэсэн 2 компани нэгдэн байгуулагдаж 20th Century Fox хэмээн нэрлэсэн байдаг. Тус компани нь “Оддын дайн”, “The Sound Of Music”, “Die Hard”, “Гэртээ ганцаараа” зэрэг олон сэтгэлд хоногшсон кинонуудыг бүтээжээ. 20th Fox Television нь “The Simpsons”, “Modern Family” зэрэг нэр хүндтэй цуврал бүтээлүүдийг нэвтрүүлсэн байна. Дисней компани өнгөрсөн жилийн 3-р сард 71 тэр бум доллар(202 их наяд төгрөг )-аар Fox -ийн ихэнх хувийг эзэмшин өөрсдийн компани болгосон байна.
