Айдас төрөм хэрнээ хайр татам Аддамын гэр бүл

2019-11-09 04:04:54

Аддамын гэр бүл хүүхэлдэйн кино 10-р сарын 25-нд нээлтээ хийнэ. Шарлиз Терон тэргүүтэй Холливудын одод гол дүрүүдэд дуу оруулжээ. 

Уран сайхны киногоор анх гарч үзэгчдийн талархлыг хүлээсэн энэхүү цуврал тодорхой бэлтгэл ажлыг базаасны эцэст хүүхэлдэй кино болж дахин дэлгэцнээ гарч байна.

Эгэл бус Аддамын гэр бүл эгэл тосгонд ирснээр өрнөх адал явдлыг уг кинонд өгүүлдэг. Жигтэй ээж Мортиша, халамжтай аав Гомес, охин Уэнсдэй, отгон хүү  Пагсли нарын гэр бүл бусдын нүдэнд өвөрмөц аймшигтай харагдавч үнэндээ онцгой нууцтай хүмүүс. Кинонд тэдний үл таних тосгонд үзэж туулсан адал явдлыг аймшигтай, бас инээдтэйгээр харуулна. 

Нэг дор цуглах нь ховор Холливудын нэрт жүжигчид гол дүрүүдийн дууг оруулсан нь тус киног анхаарал татахуйц кино болгосон юм. 

Гол дүр ээж Мортишагийн дүрд Шарлиз Терон дуу оруулжээ. Mad Max: Fury Road, ‘The Fast and the Furious цувралд тоглосны дараа Long Shot киногоор бидэндтэй уулзаж төрөл бүрийн кинонд амжилттай тоглосон Шарлиз Терон энэ удаа бусдын сэтгэл зүрхийг ховх сорох ээжийн дүрд дуу оруулж шинэ өнгө төрхөө харуулжээ. 

Харин охин Уэнсдэйд Клой Морец дуу оруулсан байна. Солонгост ч цөөнгүй шүтэн бишрэгчтэй жүжигчин Клой урьд нь Red Shoes & the 7 Dwarfs хүүхэлдэйн кинонд дуу оруулж ур чадвараа нэгэнт харуулсан билээ. Тэднээс гадна Марвелын цуврал Avengers: Endgame, мөн Guardians of the Galaxy киноны гол дүр Пом Клементьефф бас дуу оруулах болсон нь таатай хэрэг. 

Аддамын гэр бүл хүүхэлдэйн кинонд Холливудад нэрд гарсан уран бүтээлчид оролцсоныг сануулъя. Найруулагч Грег Тирнан 2008 оноос 10 гаруй жил дэлхийн олон үзэгчдийн талархал хүлээсэн Thomas & Friends цувралаараа танигдсан бүтээлч юм.

Тэгвэл түүнтэй хамтран ажилласан найруулагч Конрад Вернон бас Shrek 2, Madagascar 3: Europe's Most Wanted киногоор үзэгчдийг байлдан дагуулсан найруулагч. Киногоо “Хүүхдүүдээр тогтохгүй гэр бүлээрээ хөгжилдөн үзэх кино” гэж дүгнэжээ.

Аддамын гэр  бүл 10 сарын 25-нд театруудад нээлтээ хийж одоо дэлгэцнээ гарч байна.