Диснейн 100 жилийн ойг угтан “Хүсэл: Аша болон Хүслийн од” анимейшн 2023 оны 12-р сард нээлтээ хийнэ.... “Фрозен”-ий найруулагч

2023-11-20 11:36:08

Уолт Дисней компани байгуулагдсаны 100 жилийн ойг угтан бүтээсэн “Хүсэл: Аша болон Хүслийн од” анимейшн нь Розас хаант улсад амьдардаг Аша охин аюулд унасан улсаа аврахын тулд одонд хүслээ шивнэснээр олон адал явдалтай нүүр тулах талаар өгүүлдэг.

Удахгүй нээлтээ хийх гэж байгаа тус анимейшний гол постер, трэйлер олон нийтэд цацагдсан ба гол дүр Аша, түүний онцгой найз Валентино ямаа, үзэсгэлэнт Розас хаант улсыг дүрсэлсэн байна.

Нил ягаан өнгөтэй байгалийн үзэмж, ер бусын хүч чадлаа илтгэх гялалзах од, мөн “Одоо, бидний хүсэл биелэх цаг.” гэсэн нь зөвхөн “Хүсэл: Аша болон Хүслийн од” анимейшнээс л харж болох ид шидийн тухай өгүүлэх ба сонирхлыг татаж байна. Ашагийн дүрд “West Side Story” (2012) зэрэг кинонд тоглосон жүжигчин Ариана Дебос дуу оруулжээ.

Хүчирхэг захирагч “Магнифико хаан” дүрд “Star Trek” цувралаар алдартай болсон Крис Пайн оруулсан байна. “Фрозен” (2014-2019) цувралыг найруулсан Крис Бак, “Раяа ба сүүлчийн луу” (2021)-ны продюсер Фон Вирасунторн нар хамтран ажиллажээ. Эх зохиолыг нь “Фрозен” цувралыг бичсэн Женнифер Ли бичсэн байна.    

 “Хүсэл: Аша болон Хүслийн од” анимейшн 2023 оны 12-р сарын 01-ний өдөр нээлтээ хийнэ. 

Зургийн эх сурвалж: Disney