Эмили Блант ♥ Райан Гослин... “THE FALL GUY”

2024-04-26 18:30:50

“The Fall Guy” (найруулагч Дэвид Литч) кино орлон тоглогч (Fall Guy) Кольт (Райан Гослин)-ын хошигнол, тулаан, уянгын жанрыг бүхэлд нь харуулсан кино юм.

Холливудын хамгийн шилдэг орлон тоглогч Кольтод золгүй осол тохиолдсоноос хойш, салалтыг сонгож, өдөр хоногийг харуусан өнгөрөөж байв. Кино найруулагч болсон экс найз бүсгүй Жоди(Эмили Блант)-ийн анхны бүтээлд орлон тоглогчоор хамтрах болсон тэрээр дахин уулзахыг хүсэмжилнэ. Гэвч Жоди түүнд ширүүн хандсанаар тэрээр гуниглах болдог.

Гэхдээ боломж гарч ирдэг. Гол дүрийн жүжигчин Том(Аарон Жонсон) гэнэт алга болж, кино зогсох аюулд унахад Кольт Жодигийн бүтээлийг аврахын тулд Томын эрэлд гардаг. Гэвч төсөөлшгүй аюултай нөхцөл байдалд орох болно.

Ямар ч зэвсэггүйгээр үл мэдэгдэх хүмүүст хөөгдөж, хоосон газар өнхрөх гэх зэрэг ноцтой нөхцөл байдалд ч гэсэн орлон тоглогчийн зан авирыг харуулах осолтой тулаан үргэлжлэх болдог. Нүцгэн гараараа ачааны машинд зүүгдэн хэдэн зуун километр замыг туулж, төрөл бүрийн тулааныг гайхалтай харуулах Райан Гослингийн авьяас чадвар нь шүтэн бишрэгчдийнх нь хүлээлтийг үүсгэж байна.

Тус бүтээлд орлон тоглогчийн ажлын өөрийн гэсэн онцлогийг үзүүлсээр ирсэн бүх чадваруудыг илэрхийлэн харуулах Райан Гослин нь гардан тулалдаан, зэвсэгт тулалдаан, машины хөөцөлдөөн, өндрөөс унах гээд бүгдийг харуулах “Fall Guy”-ийн экстрим орлон тулааны цочирдом байдлаар үзэгчдийг байлдан дагуулах ажээ.

“Deadpool 2” киног найруулсан Дэвид Литч найруулагч Холливудын од Брэд Питт, Жан Клод Ван Дамм зэрэг жүжигчдээр орлон тоглогчийн дүрийг бүтээлгэж байсан билээ. Тэрээр өөрийн киноны үндэс суурь гэж хэлж болох “Орлон тоглогч”-ийг гол дүрээ болгож тэдэнд талархлыг өргөж байв.

Мөн энэ удаагийн бүтээлд Гиннессийн дэлхийн амжилтуудыг ч бас тогтоогоод байна. Райан Гослингийн орлон жолоодогчийн дүрийг бүтээсэн Логан Холладей Австралийн Сиднейн далайн эрэгт машин онхолдуулах “cannon rolls (машиныг онхолдуулан өнхрүүлэх сонгодог техник)”-ийг найм бүтэн болон хагас эргүүлэн гиннессийн амжилтыг шинээр тогтоожээ. Энэ нь 2006 онд нээлтээ хийсэн “Casino Royale”-ийн орлон тоглогч Адам Киллерийн эзэмшдэг 7 удаагийн “cannon rolls”-ийг давж 18 жилийн дараа шинэчлэн тогтоосон байна.