Банг Ши Хёг “Үнэнч шүтэн бишрэгчидийг бий болгосон BTS нь Disney, Apple-тай адил”

2019-11-09 17:38:43

“Бигхит энтертайнмент(Bighit Entertainment)” компанийн захирал Банг Ши Хёг хэлэхдээ АНУ-д амжилтад хүрсэн BTS хамтлагийн нууц бол тууштай харилцаагаар бий болсон “үнэнч шүтэн бишрэгчид” хэмээв.

АНУ-ын долоо хоног тутмын “Time” сэтгүүлд Банг захирал “BTS хамтлаг шүтэн бишрэгчидтэйгээ шууд харилцдаг байсан үнэнч сэтгэл нь Америкт амжилтад хүргэсэн” хэмээн төстэй стратегитай “Disney”, “Apple” компанийн талаар иш татан өнгөрөгч 8-ны өдөр ярьжээ.

Банг захирал “BTS хамтлаг нь Америк хэв маягаас өөрөөр гарч ирсэн тул Америкийн дуу хөгжмийн зах зээлд амжилтад хүрсэн” гэв.

Тэрээр “Шүтэн бишрэгчдийн үнэнч сэтгэлд суурилсан стратеги нь тухайн үед дуу хөгжмийн ертөнцөд зогсонги байсан цомгийн борлуулалтыг шийдвэрлэх арга зам гэж таамагласан” мөн “К-попын шүтэн бишрэгчид өөрсдийн шүтээнүүдтэй дотно байдлыг мэдрэхийг хүсдэг” гэж тайлбарлажээ.

BTS хамтлагийг “21-р зууны Битзл” гэж тодотгосон талаар Банг захирал “Битзл хамтлагийн хэмжээнд хүрээгүй гэдгээ мэдэж байгаа” гэж өгүүлэн “BTS хамтлаг нь дэлхийд ховор шүтэн бишрэгчдийг бий болгосон” гэв.

Гэвч өөрийгөө хуучны хэв маягийг дагадаг продюсер, мөн юу юунаас илүү чанар маш чухал гэж онцлов.

Тэрээр цомог бүтээхдээ уран бүтээл нь шүтэн бишрэгчидтэй ямар нэгэн байдлаар холбогдож буй цомог нь аяандаа их борлогддог гэдэгт бат итгэсэн хэмээжээ.

Түүнчлэн үнэнч, тогтвортой, цаг үеийг байлдан дагуулдаг чадвар нь BTS хамтлагийг хосгүй замаар удирдсан хүчин зүйл гэж тодорхойлов.

BTS хамтлагийн цаг үеийн асуудлууд, шударга ёс, гадуурхагдсан хүмүүс болон залуучуудын эрхийн талаарх уран бүтээл нь тэдэнд сайнаар нөлөөлсөн гэж боддог гэжээ.

"Time" сэтгүүл Банг захирлаас Солонгосын “шүтээнийг үйлдвэрлэн” гаргадаг талаар асуужээ.

Банг захирал “Америкт гол түвшний хүмүүстэй гэрээ хийхийн өмнө удаан хугацаанд бие даан уран бүтээл туурвидаг бол Солонгост тэр хугацаанд дасгалждаг” гээд “энэ хоёр системийн алинаас нь илүү сайн уран бүтээлч гарах вэ гэдэг асуудал маргаантай” гэж няцаасан.

Мөн “Уран бүтээлч хүн өөрийн зохиосон дууг дуулах ёстой гэдэгтэй санал нийлэхгүй байна” гэж хэлжээ. Банг захирал “Бигхит энтертайнмент компани охидын шинэ хамтлаг гаргахаар шалгаруулалт явуулна” гэж нэмж хэлэв.