Аялал жуучлалын алдартай газар болсон “Жокер”-ийн бүжиглэдэг шат

2019-11-10 21:07:23

Тодд Филлипсийн найруулсан “Жокер” киноны нэр хүнд өсөхийн хэрээр бүтээлд дүрслэгддэг газруудад ч бас нөлөөлж байна.Жишээ нь киноны Артур Флекийн бүжиглэдэг шат.

“CNN Travel” өнгөрөгч 20-ы өдөр “Жокер” киноны алдартай хэсгийг бүтээсэн шатан дээр жуулчид ихээр очиж байна хэмээн мэдээллэв. Энэ шат АНУ-ын Нью-Йорк хотын Бронкст байдаг.

“Жокер” кинонд энэ шат нь амьдралын эрч хүчийг өгч байгаа мэт Артур Флек(Хоакин Феникс) бүжиглэдэг. Тэрээр балмад этгээд болон өөрчлөгдөж, эрч хүчийг харуулдаг газар. Артур Флек нүүрээ будан Жокер болж бүжиглэдэг энэ дүр төрх киноны алдартай хэсэгт тооцогддог.

Кино нь нэр хүндийг олж шүтэн бишрэгчид энэ газар ихээр ирж байна. Өмнө нь Бронкст гэмт хэрэг байнга гардаг байсан тул жуулчид очдоггүй байсан. Сүүлийн үед урьдчилан сэргийлж чадсанаар гэмт хэрэг багассан хэдий ч, урьдын адил нэр хүндгүй хэвээр байсан.

Харин “Жокер” кино нээлтээ хийсний дараагаас шүтэн бишрэгчид ихээр ирдэг алдартай газар болоод байна. Шүтэн бишрэгчид энд ирээд Артур Флекийг дуурайж, зургаа авахуулж байна.