Дисней пласаар үзэх “Оддын дайн – Мандалор гаригийнхан”
2019-11-10 13:33:00
“Оддын дайн” киноны үзэл санааг үргэлжлүүлэх олон ангит “Мандалор гаригийнхан” кино Дисней студийн стрийминг үйлчилгээ Дисней пласаар гарна. Энэ олон ангит кино Оддын дайны ориг цувралыг залгамжилж дараагийн цувралтай холбож өгч байгаагаараа чухал бүтээл юм.
“Мандалор гаригийнхан” цуврал нь эзэнт гүрэн доройтсоноос хойш “Анхны даалгавар” засаглал үүсэхээс өмнөх үйл явдлыг өгүүлнэ. Кино цувралын залгамж агуулгаар авч үзвэл “Оддын дайн 6 – Жедай эргэн ирсэн нь”(1987) “Оддын дайн: Хүч сэргэсэн нь”(2015) хоёрын дундах бүтээл гэж болно. Цэргийн засгийн газар яаж үүссэнийг харуулна гэж үзэж байгаа.
“Жедай эргэн ирсэн нь” дээр гарсан Эндорын тулалдаанаас хойш шинэ бүгд найрамдах улсаас алс хол орших сансарт үйл ажиллагаа явуулдаг ганцаардмал, бусдын гар хөл бологчийн тухай өгүүлнэ. Гол дүр нь шагналын мөнгөнд санаархаж ан хөөдөг бөгөөд, “Хаан сэнтийний тоглоом”, “Наркос” олон ангитуудаар нэрт гарсан Педро Паскал энэ дүрд тоглоно.
Барууны киноны хэв маяг бүхий цуврал болно гэсэн учраас үзэгчид улам их найдлага тавьж байгаа билээ. Шинээр гарах дроид IG-11 бас яахыг “Оддын дайн”-ы шүтэн бишрэгч нар хүлээсээр байна.
Жон Фавро бас хамтрах болсон нь өөр нэг найдлага төрүүлсээр. Найруулагч, жүжигчин, кино зохиолч Жон Фавро “Мандалор гаригийнхан”-ы ерөнхий продюссер, зохиолчоор ажиллана. Фавро “Төмөр хүн”(2008) “Ширэнгийн ном”(2016), “Араатны хаан арслан” бүтээлүүдээрээ од найруулагч болсон хүн. Диснейнхэнтэй санаа нийлж сайхан ажиллаж байгаа тэрээр дахин шинэ түүхийг бүтээх үү гэдгийг хүлээх л үлдлээ.
<ⓒ Reporter.mn >
