Найруулагч Мартин Скорсезе “Тэр бол кино биш” гэж “Марвел”-д шууд хохирол учруулав

2019-11-11 09:12:49

Холливудын агуу уран бүтээлч Мартин Скорсезе найруулагч 11 дүгээр сарын 5-ны өдөр Марвелын супер баатартай киног хатуу шүүмжилжээ.

“Марвел”-ын “Супер баатар”, “Ди Си комикс”-ийн “Жокер” кинонууд Умард Америкийн киноны зах зээлийг эзлэхийн зэрэгцээ анхааруулга болж байна. “Загалмайлсан эцэг” киноны Фрэнсис Форд Коппола найруулагчаас авахуулаад Марвелын киног шүүмжлэхэд Дисней компани эсэргүүцсэнээр маргаан газар аваад байна.

Скорсезе найруулагч “Нью-Йорк таймс” сонинд “мөхөж байгаа кино бүтээх урлаг” гэсэн сэдэвтэй нийтлүүлсэн нийтлэлдээ “Марвелын кино нь кино гэхээс илүү “theme park” шиг харагдаж байна гээд “Марвелын кино бол кино биш” гэж шүүмжилжээ.

Тэрээр “Миний хайрлаж хүндэлдэг кино бүтээгчдэд кино бол гоо зүй, сэтгэл хөдлөл, оюун ухааныг харуулах явдал” гээд “Марвелын кинонд тийм зүйл байхгүй” гэж онцлов.

Улмаар “Марвелын кино тодорхой нэгэн хэрэгцээг хангахын тулд л бүтээгдсэн” гээд “Ямар нэгэн аюулыг туулан гараагүй” гэж нэмж хэлжээ.

Мөн тэрээр “Өнөөдөр олон кино шууд хэрэгцээнд зориулагдан бүтээгдэж байна.” гээд “Түүний зэрэгцээ киноныхоо мөн чанарыг алдаж байна” гэж тайлбарлав.

Ялангуяа Холливудын бизнес, шинийг эрэлхийлсэн кино найруулагчдын санаа зоволт алга болсон байна гээд “Кино бүтээхээр хүсэн мөрөөдөгчдөд энэ нөхцөл байдал үнэхээр хатуу” гэж шүүмжилжээ.

“Догшин бух”, “Таксины жолооч” зэрэг олон шилдэг бүтээл туурвисан найруулагч Скорсезийн найруулсан “Нетфликс”-ийн “Ирланд эр” кино удахгүй нээлтээ хийнэ.