“Гар буугаар заналхийлсэн” Жереми Реннерийн өмнөх эхнэр шүүхээс хамгаалалт хүсэж, ширүүн маргалдсаар...

2019-11-11 18:08:27

Холливудын жүжигчин Жереми Реннер, өмнөх эхнэртэйгээ хүүхдээ өсгөж хүмүүжүүлэх эрхийг авах гэж ширүүн маргалдаж байгаа ажээ. Гэтэл өмнөх эхнэр нь хүүхэд асрагчаа Жереми Реннерээс хамгаалж өгөөч гэж шүүхэд хүсэлт гаргажээ. 

TMZ-ийн олж авсан мэдээллээр бол, Жереми Реннерийн өмнөх эхнэр Сонни Пачеко түүнийг гар буугаар өөрийг нь болон охин, асрагч нарыг заналхийлсэн гэжээ. 

Сонни Пачеко хэлэхдээ Жереми Реннер 6 настай Ава охиноо унтлагын өрөөнд унтаж байхад амандаа гар буу зууж амиа хорлоно гэж заналхийлсэн, тааз руу буудсан гэнэ. 

Мөн охиноо өөрсөд шиг нь аав ээжтэй амьдарч байснаас ээжгүй байсан нь дээр гээд өмнөх эхнэрээ алах гэж заналхийлсэн гэжээ.

Асрагч эх гомдолдоо Жереми Реннерийг “Би цусанд будагдаад шалан дээр үхчихсэн байхад чи энд амьдарна гэж бодож байна уу? Чамаас болж гох дарлаа шүү” гэж заналхийлсэн гэж бичжээ.

Жереми Реннер энэ бүхнийг үгүйсгэж байгаа юм байна. Сонни Пачеко шүүхэд хандан өөрийгөө болон асрагч эхийг аюулгүй газар байлгаж өгнө үү гэж хүссэн ажээ.

Сонни Пачекогийн хариуд Жереми Реннер нүцгэн зургийн тухай мэдүүлжээ.

Жереми Реннер түүнтэй амьдарч байхдаа нэг нэгнийхээ нүцгэн зургийг авсан, хүүхэд өсгөж хүмүүжүүлэх эрхийн талаар маргалдаж байхдаа Сонни Пачеко өөрийнх нь нуудгайн зургийг өмгөөлөгчид өгсөн гэж бодож байгаа гэжээ. Бас Сонни Пачеко түүний нүцгэн зургийг хэвлэлийнхэнд зарна гэж заналхийлсэн гэсэн байна.

Жереми, Сонни хоёр 2013 онд охинтой болж 2014 онд гэрлэснээс хойш 10 сарын дараа салжээ.