"Царай муутай" гол дүрээ гоо сайхны мэс засалд оруулан, трэйлерээ шинэчилсэн “Соник Зараа” кино

2019-11-19 04:41:34

11-р сарын 12-нд дүр төрхөө бүрэн өөрчилсөн Соник Зараа кино нь шинэ трэйлерээ цацлаа. Энэ удаагийн дүрс бичлэгт видео тоглоомын Соник зараатай илүү төстэйгөөр шинэ 3D дүрслэлээр бүтээжээ.

4-р сарын сүүлчээр гаргасан анхны дүрс бичлэг нь Соник зараа видео тоглоомынхоо дүрээс тэс ондоо байсан төдийгүй тааруухан дуурайлгасан нь шүүмжлэлд өртжээ.

Видео тоглоомыг зохиосон Южи Нака сэтгэл дундуур байгаагаа илэрхийлж "Соник яавч ийм байж болохгүй” гэж жиргэжээ. Үзэгчдийн дийлэнх нь Соникийг тааруу болсон хэмээн шүүмжилсэн бөгөөд Youtube-д оруулсан тус трэйлер маш их dislike цуглуулсан байна.

Найруулагч Жефф Фаулер шүтэн бишрэгчдийн саналыг хүлээн авч, Соник зарааны загварыг бүрэн шинэчлэн, киноны нээлтийг 2019 оны 11 сарын 8-аас 2020 оны 2 сарын 14-нд болгон хойшлуулжээ.

Шинэчилсэн трэйлерийн Соник зарааг хэрхэн хүлээж авахыг таамаглах хэцүү ч өмнөхөөсөө хавьгүй дээр болж гэж үзэх хандлагатай байгаа юм.

Эхний трэйлер dislike их авсан бол, энэ удаа 3 өдрийн байдлаар 18 сая хүн үзсэнээс like/ dislike -ийн тоогоороо 810 000/ 13 000 болж сайжирчээ. Соникийг өөрчлөх ажлыг Sonic Mania Adventures, Team Sonic Racing Overdrive-ын найруулагч Тайсон Хесс хариуцжээ.

Өмнөх трэйлерээ бодвол өрнөл нь ч хамаагүй эвтэйхэн болж, хорон санаатан Роботник докторын дүрд Жим Кэрри чадварлаг тоглосон нь үзэгчдийн сэтгэгдэлд эергээр нөлөөлж байгаа гэнэ шүү.