'Guardians of the Galaxy Vol.3' 2022 онд нээлтээ хийнэ

2019-11-15 14:26:15

'Guardians of the Galaxy Vol.3' киноны сураг тус киноны шүтэн бишрэгч нарт хүлээлт үүсгэлээ.

'Avengers: Endgame', 'Thor: Love And Thunder' киноноос хойших түүхийг шинэ ангид өгүүлэх бөгөөд, найруулагч Жэймс Ганн “Өмнөх гишүүд өөрчлөгдөнө” гэж хэлжээ. 'Avengers: Endgame'-ээс хойш хаашаа явсан нь тодорхойгүй болсон Гаморагийн араас явж, Торын хэрхэхийг харуулах явцад өөрчлөлт орох бололтой.

Өмнөх анги нь 3 жилийн дараа гарч байсан бол энэ удаа яагаад 5 жилийн дараа гарч байгаа юм бол? Хугацаа хойшилсон хамгийн том шалтгаан нь цувралыг хариуцаж байсан Жэймс Ганн найруулагч ажлаас чөлөөлөгдсөнтэй холбоотой аж.

2018 онд найруулагч Жэймс Ганны олон нийтийн сүлжээнд өмнө нь жиргээндээ оруулж байсан бага насны хүүхдэд сэтгэл татагддаг талаарх сэтгэгдэл, бас хүчингийн хэрэгт холбогдсон зэрэг эмзэг асуудлууд шуугиан тарьж байсан юм. Уншигчид энэ үйлдлийг нь ихэд буруушаан, дургүйцлээ илэрхийлсэн билээ.

Шуугиан намжих шинжгүй байсан тул Жэймс Ганн найруулагчийн ажлаа өгсөн боловч цөөнгүй жүжигчин түүнийг өмгөөлж, ажилдаа эргэж орооч гэж ятгасны эцэст 2019 оны 3 сард 'Guardians of the Galaxy 3' киног найруулахаар эргэн иржээ.