Жона Хауэр-Кинг “Лусын дагина” киноны ханхүүгийн дүрд тоглохоор болжээ
2019-11-19 10:23:11
11 сарын 13-нд Америкийн Variety зэрэг оддын мэдээлэл түгээдэг сайтуудаар англи жүжигчин Жона Хауэр-Кингийг “Лусын дагина” киноны Эрик ханхүүгийн дүрд тоглуулахаар болсныг мэдээллээ.
Жона Хауэр-Кинг The Song of Names, A Dog's Way Home, Old Boys кинонд тоглосон бөгөөд, одоо BBC телевизээр нэвтрүүлж байгаа Дэлхийн 2-р дайны сэдэвт World on Fire кинонд тоглож байгаа жүжигчин.
“Лусын дагина” хүүхэлдэйн киноны Эрик ханхүүтэй зүс царай төстэй түүнийг уг кинонд хэр тоглох бол гэж хүмүүс найдлага тавин хүлээж байна.
Мэдээж зарим нь санаа зовж байгаа. Лусын дагинын дүрд хар арьс дуучин Холли Бэйлиг тоглуулах болсон нь шуугиан тариад байгаа үед хар арьст лусын дагина, цагаан арьст ханхүү хоёрын дурлал арьсны өнгөөр ялгаварлах тухай асуудлыг дэвэргэх юм биш биз гэлцэж байна.
“Лусын дагина” кинонд ханхүү лусын дагиныг хуурай газар амьдрахад нь тусалж байгаа нь цагаан арьст эрэгтэй хар арьст эмэгтэйг сургаж гэгээрүүлж байна гэсэн утгаар харагдах магадлалтай гэж үзэж байгаа аж.
Найдлага ч төрүүлж, санаа ч зовоож байгаа “Лусын дагина” энэ жилдээ дүрүүдээ тодруулаад ирэх жилийн эхээр зураг авалтдаа орох гэнэ.
Зургийг : Walt Disney Studio, Jonah Hauer-King, Holle Bailey нарын инстаграм хуудаснаас
