BLACKPINK хамтлаг DDU-DU DDU-DU дуугаараа Kpop хамтлагуудаас Youtube дээр 1 тэрбум хүн бичлэгийг нь үзсэн анхны хамтлаг болжээ
2019-11-19 10:44:54
БНСУ-ын BLACKPINK охидын хамтлаг DDU-DU DDU-DU дууныхаа клипийг Youtube-д оруулсан нь 1 тэрбум хандалттай болж амжилт тогтоосон байна.
BLACKPINK хамтлагийн DDU-DU DDU-DU дууны клип 11 сарын 11-ний үдээс хойш Youtube үзэгчдийн хандалтын тоо 1 тэрбум давжээ. 6 сарын 15-нд бичлэгээ оруулснаас хойш 1 жил хагасын дараа ийм амжилт тогтоож чадлаа.
YG entertainment компанийн албан ёсны блог, олон нийтийн сүлжээнд 1 тэрбум хандалттай болсонд тусгайлан зураг оруулж баяр хүргэжээ.
Солонгос дуучдаас PSY-ийн Gangnam Style дууны клипийг 1 тэрбумаас олон үзэгч үзэж байсан боловч Kpop-ын охид хөвгүүдийн хамтлагаас 1 тэрбум хандалт авсан нь энэ удаа анхных боллоо.
Дуучин PSY YG компаниас өрх тусгаарласан боловч амжилт тогтоох үеэр нь авч үзвэл YG-ийн дуучны албан ёсны сувгийн бичлэгийг 1 тэрбумаас олон хүн үзсэн хоёр дахь тохиолдол болж байна гэсэн үг.
DDU-DU DDU-DU дуу BLACKPINK хамтлагийн 2018 оны 6 сард гаргасан SQUARE UP мини цомгийн гол дуу бөгөөд, тухайн үедээ хамтлагтаа олон амжилт авчирсан дуу юм.
DDU-DU DDU-DU дуу, SQUARE UP цомог Billboard-ын цомгийн нэр дууны жагсаалтад “шилдэг 100” дууны 55-т, цомгийн жагсаалтад “Billboard 200” цомгийн 40-д орж байв. Kpop охидын хамтлаг анх удаа Billboard-ын хоёр том шагналыг ингэж зэрэг авч шуугиан тарьсан билээ.
Жисү, Женни, Розе, Лиза нараас бүрддэг BLACKPINK хамтлаг 2016 онд анх тайзнаа гарсан, содон дуугаараа охидын дунд хүрээллээ аль хэдийн үүсгэсэн хамтлаг юм.
