Ер нь хэн дундад зууны үеийн ширээн дээр “старбаксын аяга” тавьчихав аа?

2019-11-20 05:39:54

“CNN” телевиз 11-р сарын 11-ний өдөр, “Game of Thrones” кино гарч дуусаад 6 сар өнгөрсөн боловч “старбаксын аяганы талаарх нууц” урьдын адил тайлагдаагүй хэвээр байна гэж мэдээлжээ.

Өнгөрсөн хугацаанд “сэжигтэн” хэмээн яригдаад байсан Лорд Варисийн дүрийг бүтээсэн Конлет Хилл энэхүү “гэмт хэрэг”-т ямар ч хамааралгүй гэж эрс үгүйсгэснээр тус хэрэг бүр ч их төөрөгдөлд оруулаад байна.

“Game of Thrones” киноны үйл явдал дундад зууны үеийн “Вестерос(Westeros)” тивд өрнөдөг.

Гэвч “HBO” сувгаар гарсан 8-р цувралын 4-р ангид гол дүр Дейнерис Таргариены урд дахь ширээн дээр хуванцар таглаатай “старбакс”-ын аяга тавиастай байгаагаар гарчээ.

“Game of Thrones” -ын үйл явдал, старбакс кофешопыг эвлүүлсэн пост олон нийтийн мэдээллийн хэрэгсэлд тавигдаж, старбаксын аяга нь Дейнерисийг унагах гэсэн арга мэх хэмээн тайлбарлаж байлаа.

“Старбакс” компанийн зүгээс “Дейнерис драгон дринк(dragon drink) захиалаагүй учир гайхсан” гэж мэдэгдээд тус алдааг ашиглан шинэ бүтээгдэхүүн(драгон дринк)-ээ сурталчилах боломж болгон ашиглажээ.

Үүнээс хойш “старбаксын аяга”-ны жинхэнэ эзэн хэн болох талаар таамаглалууд ар араасаа гарч ирсэн.

Жимми Фэллоны шоунд сүүлийн Дейнерисийн дүрийг бүтээсэн Эмилиа Кларк орж, “Нэгэн үдэшлэг дээр Конлетийн хажууд сууж байхад тэрээр “Эмилиа, чамд нэг юм хэлье” гээд “Үнэндээ тэр аяга бол минийх байсан” гэж шивнэсэн” гэж хэлжээ.

Гэвч сэжигтэн гэж яригдаад байсан Хилл өмнөх өдөр нь Английн телевизийн нэвтрүүлэгт орж “Намайг тийм зүйл хийсэн гэдгийг нотлох нотолгоо байна уу?” хэмээн сөргүүлэн асуугаад “Одоо намайг сэжигтэн гэж бодохоо боль” гэж хэлжээ.

Тэгээд Хилл "Эмилиад би онилуулсан. Тэрээр намайг байгаа болгосон.” гэж хэлжээ. Тэрээр өөрийгөө “ямар ч буруугүй” гэдгийг ахин хэлсэн байна.