ЖУМАНЖИ: ДАРААГИЙН ҮЕ, тоглоомын дүрэм өөрчлөгджээ

2019-11-24 05:06:35

Жуманжи  киноны дүрэм, даалгавар өөрчлөгдөж, үйл явдал нь одоо яах бол гэж киноны турш сэтгэл догдлуулах болно.  

ЖУМАНЖИ: ДАРААГИЙН ҮЕ (Найруулагч Жейк Кэздан) кинонд эвдэрсэн гэж бодсон Жуманжи тоглоом дотор орж алга болсон Спэнсер найзыгаа аврахын тулд тоглоом руу дахин нэг удаа орж байгаа хүүхдүүдийн тухай гарна. Тэд санаанд багтамгүй даалгаврыг содон дүрмийн дагуу биелүүлдэг нь сонирхолтой.

Эхний өөрчлөлт нь аватар сонгох дүрэм. Тоглоомд холбогдсон хүүхдүүд түрүүчийн ангид аватараа өөрсдөө сонгож байсан бол энэ удаа цаанаасаа сонгогдоно. 

Мөн дүрүүд өөрчлөгдөх боломжтой болжээ. Өмнөх ангид нэг дүрээрээ тоглоомыг дуустал явсан бол харин одоо тоглоомын дундуур санаандгүй тохиолдлоор аватар өөрчлөгдөнө.

Эцэст нь, аватаруудын ур чадвар нэмэгджээ. Нэгэнт дүрэм хатуу болсон учир дүрүүд сайжрахын хэрээр сул тал ч нэмэгдэнэ. Ялангуяа бараг төгс байсан доктор Брэйвстөүн том сул талтай болно. 

Бас IMAX 3D, 4DX, PRIMUEM LARGE SCREEN гэх мэт олон форматаар гаргах болсноороо сонголт сайтай болж байгаа юм байна.

4DX-ээр үзвэл даалгавруудыг үзэгчид өөрсдөө гүйцэтгэж байгаа юм шиг бодитой мэдэрч, IMAX3D-ээр Жуманжигийн далайцтай дүрслэлийг бүрэн мэдрэх боломжтой. 

“Галзуу хурд: Хобс, Шо хоёр” кинонд гал бутарсан тулаан ямар байдгийг харуулсан Дуэйн Жонсон, хошин шог, уяхан сэтгэлийг яруу сайхан харуулах Кевин Харт, Жэк Блэк, жүжиглэхдээ жүжиглэж найруулахдаа найруулчихдаг Карен Гиллан нарын дүрдээ орсон жүжиглэлтээр үзэгчдийг гомдоохооргүй болсон тус бүтээл 12 сарын 13-нд нээлтээ хийнэ.