Авенжерсын хуруу инчидсэнээс хойш амьгүй болсон Төмөр хүн ахин гарч ирсэн нь

2019-11-25 20:59:22

11 сарын 12-нд онлайн стрийминг үйлчилгээ явуулдаг Дисней плас нээлтээ хийсэн билээ. Дисней пласаар өнөөг хүртэл кинотеатруудад гарсан кинонуудын хасагдсан хэсгүүдийг харах боломжтой болсон юм.

Ялангуяа “Авенжерс: Эцсийн тулаан” киноны хасагдсан хэсэг анхаарал татаж байна. Дүрс бичлэгт Тони Старк (Роберт Дауни Жуниор) нүд аньснаас хойш насанд хүрсэн охин Морган Старк (Кэтрин Лэнгфорд) -тай уулзаж байгаа хэсэг гардаг.

Тони үл таних газар сэрж эргэн тойрноо харна. Гараа барьж үзэж, өөрийгөө хуруу инчидсэнээс хойш үхсэн гэдгээ санана. Урд нь том болсон охин нь гарч ирнэ.

Тони охиноосоо “Хоёулаа танилууд бил үү?” гэж асуудаг. Морган “Маш сайн танилууд”, “Сайн уу, аав аа?” гэдэг. Тони гайхаж охинтойгоо баяртай уулзана.

Морган “Бүх юм сайнаар дуусаж би ийм том боллоо. Гэхдээ таны хувьд сайн уу үгүй юу хэлж мэдэхгүй байна.” гэнэ.

Энэ үгийг сонсоод Тони “Зөв юм хийсэн эсэхээ мэдэхгүй байна.” гээд түгшдэг. Морган “Хэн нэг нь тэгэх л ёстой байсан. Би жаргалтай байна.” гэж аавыгаа тайтгаруулна.

Тони “Охин минь жаргалтай байгаа бол би ч жаргалтай байна. Маш их хайртай шүү.” гэж хэлээд салдаг.

“Авенжерс: Эцсийн тулаан” киноны найруулагч Энтони Руссо, Жои Руссо нар ярилцлага өгөхдөө энэ тухай дурдаж, “Энэ хэсгийг Тонигийн оршуулга дээр холограммаар охинтойгоо уулздаг хэсэгтэй давхардсан болохоор хассан." гэсэн тайлбар өгч байв.