“Оддын дайн”-ы Рэй улам хүчирхэгжиж, цувралын түүхэнд хамгийн их нөөц чадвартай нь болжээ

2019-12-05 01:19:08

Оддын Дайн: Скайуокерын Сэргэн Мандалт кинонд шинэ ирээдүйн хувь заяаг гартаа атгасан баатар Рэй улам хүчирхэгжин эргэж ирлээ. 

Оддын Дайн: Скайуокерын Сэргэн Мандалт киноны бүтээгчид энэ удаа анзаарахгүй өнгөрч болохгүй Рэйгийн тухай мэдээллийг дэлгэлээ. 

Түнэр харанхуйг эсэргүүцэн тэмцэх хүч #ер бусын нөөц чадвар

Оддын дайн: Хүч Сэргэсэн нь ангид Рэй хүч чадлаа мэдэлгүй амьдарч байсан бол, BB-8, Финнтэй уулзсанаар хувь заяаны эргүүлэгт орно. Асар их нөөц чадвартай хирнээ яах ёстойгоо мэддэггүй Рэйгийн чадвар бартаат зам, саад бэрхшээлийг даван туулж хүчирхэгжин төрөхөөс заяасан  сэтгэлийн хаттай нь нэгдэж харанхуйн хүчийг эсэргүүцэх дайнд оройлж хүчний баатар болдог. Оддын Дайн: Скайуокерын Сэргэн Мандалт ангид цувралын түүхэнд хамгийн их өсөж хүчийг олсон түүний өч төчнөөн нөөц чадвар ил гарах гэж байна.

Бартаат зам, хувь заяаны тэмцлээр #эрс өссөн нь 

Өмнөх ангид Рэй чадвартай гэдгээ ухаарч чадвараа ашиглаж сурахын тулд Люк Скайуокер дээр очиж заалгадаг. Богино хугацаанд гэрлийн илдийг чөлөөтэй эзэмшиж хүч чадлаа сэрээсэн Рэй бартаат замыг туулсаар дотоод зөрчлөө давж ээдрээтэй байдалтай нүүр тулгардаг. Энэ удаагийн ангид Финн, По нартай цуг өстөн дайсны давамгайллын эсрэг харанхуйг сөрж тэмцэлдэх бөгөөд, хүрээлэгчдийнхээ сэтгэлийн хүчийг хурааж нөхцөл байдлыг даван гарч олон талаар хавьгүй илүү болж өсөж байгаагаа харуулна. 

Хар цагааны том тулаанд ирээдүйн хувь заяаг гартаа атгасан #шинэ найдвар

Анги нэмэгдэх тусам ир нь ханаж байгаа Рэй харанхуйн эзэн Кайло Рентэй шийдвэрлэх тулаан хийнэ. Үзэгчдэд аль хэдийн хүрсэн трэйлерээс Рэй урьд урьдынхаас илүү шийдэмгийгээр харанхуйн хүчийг сөрөн зогсож байгааг харж болно.  

Тус кино 12 сарын 20-ны өдрөөс кинотеатруудын дэлгэцнээ гарна. 

Зургийн эх сурвалж: Disney