“Марвел”-ийн “Black Widow” киноны трэйлер цацагдлаа

2019-12-06 13:29:14

12 дугаар сарын 2-ны өдөр “Марвел Комикс” албан ёсны цахим хаяг, youtube сувагт “Black Widow” киноны постер, трэйлер цацагджээ.

“Black Widow” киноны трэйлерт бүжиг сурч байсан бага нас, хамтрагчидтайгаа буудах дасгал хийж байсан KGB-д байсан үе, “Авенжерс”-д нэгдэж, багийнхантайгаа хамт байлдаж явсан Black Widow(Скарлетт Йоханссон)-ийн өнгөрсөн амьдрал зэргийг харуулан эхэлдэг.

Ийнхүү Black Widow болсон Наташа Романофф нь Елена Белова(Флоренс Пью)-тай ширүүн тулалдаж, нэг баг болж санаа зориг нийлэн тактик боловсруулж байгаа нь анхаарал татдаг.

Түүнчлэн “Авенжерс”-д хамтдаа тоглосон Ник Фьюри(Сэмюэл Жексон), Хоукай(Жереми Реннер) нар ч бас гардаг.

“Comic-Con” нь “Black Widow” кино “Captain America: Civil War”, “Avengers: Infinity War” гэсэн хоёр киноны дундах үйл явдлыг буюу Наташа Романоффын амьдрал, адал явдлыг харуулжээ гэж мэдэгджээ.

“Олон хүний дүрээр амьдарч байсан ч, одоо би өнгөрснөөсөө зугтахгүй” гэж хэлэхтэй зэрэгцэн тулалддаг Black Widow-ийн нүүрний хувирал нь зоригтой байгааг илтгэн сонирхол ихээр татдаг.

“Black Widow” кино “Captain Marvel”-ын дараа бүтээгдэж буй Марвелийн хоёр дахь эмэгтэй баатартай кино. Наташа Романоффын төрөлх нутаг Будапешт хотод үйл явдал өрнөдөг.

Тус кино 2020 оны 5 дугаар сарын 1-ний өдөр нээлтээ хийнэ.