007 No Time to Die киноны эхний трэйлер

2019-12-07 22:28:24

Universal Pictures компани 007 цувралын шинэ анги No Time to Die киноны анхны трэйлерийг үзэгчдэд хүргэлээ. Кино нь трэйлер шигээ гарвал багагүй ашиг олохоор санагдаж байна. 

Дэлхийн олон үзэгчдийн итгэн хүлээж байгаа No Time to Die киноны Жэймс Бондын дүрд Даниэл Крэйг тогложээ. 

Олон жил тагнуулаар ажилласны эцэст чөлөөндөө гарч Ямайкад амарч байсан Жэймс Бондоос эртний танил Тагнуулын төв газрын ажилтан Феликс Лейтер дахин нэг удаа тусламж хүснэ. Дахиад л амь өрссөн даалгавар. Астон Мартин V8-аас авхуулаад 007 цувралын онцгой тоноглол, төхөөрөмжүүд 007 No Time to Die кинонд яаж сайжирсныг харах цаг мөч ойртсоор. 

Крэйгийн хувьд энэ анги 5 дахь нь буюу Бондын дүрд сүүлийн удаа тоглож байгаа нь аж. 

Бас No Time to Die киног 007 цувралын 25 жилийн ойд зориулжээ.  

IT киноны зохиолыг бичсэн Кэри Фүкүнага найруулж, Крэйгээс гадна Рами Малек, Леа Сейду, Бен Уишоу, Ральф Файнс, Наоми Харрис, Жеффри Райт, Рори Киннер, Лашана Линч, Ана де Армас, Давид Дэнсик, Билли Магнуссен, Дали Бенсалла нар тоглохоор болсон байна. 

Bohemian Rhapsody киноны Рами Малек 007 No Time to Die кинонд багтай этгээд болж гарна. Трэйлерээс үзэхэд өмнөх ангийн Кристоф Вальц, Леа Сейду нар тус кинонд гарч байгаа юм байна лээ шүү.  

007: ҮХЭХ Ч ЗАВГҮЙ 2020 оны 4 сард нээлтээ хийнэ.

Зургийн эх сурвалж: Universal Pictures