BTS, 2019 оны MAMA наадмаас 9 шагнал авлаа

2019-12-09 19:19:57

BTS хамтлаг 2019 MAMA наадмын гол дүр болж чадлаа. Тэд 4 том шагналыг бүгдийг нь авч бүхнийг бишрүүллээ. Тоглолтын талбайд цугласан 40 мянган үзэгч хүч түрэн уухайлж тоглолтыг нь халуун дотноор хүлээн авлаа.

12 сарын 4-ны 18 цагаас Японы Нагояа Домд 2019 оны MAMA(Mnet Asian Music Awards) наадам эхэлж, Оны шилдэг дуучин, Оны шилдэг дуу, Оны шилдэг цомог, Оны дэлхийн үзэгчдийн талархал гэсэн 4 гол шагналыг гардан авав. 2019 MAMA наадмын улаан хивсний ёслол, шагнал гардуулах ёслолыг Mnet болон Азийн мэдээллийн сувгуудаар шууд нэвтрүүлж, Mwave, Youtube, Twitter онлайн сүлжээгээр бүх дэлхийн 200 орчим бүс нутагт дамжуулан хүргэжээ.

BTS хамтлаг 4 том шагналыг бүгдийг нь авч хэр хүчтэй хамтлаг гэдгээ нотлон харууллаа. Түүнчлэн BTS Дэлхийн шүтэн бишрэгчдийн сонголт, Шилдэг эрэгтэй хамтлаг, Шилдэг эрэгтэй хамтлагийн бүжиг, ТОП 10 шилдэг эрэгтэй хамтлаг дуучны шагнал хүртэж нийт 9 шагналын эзэд боллоо.

BTS хамтлагийнхан бүх амжилтаа A.R.M.Y-тай холбоотой гээд тэдэнд талархаж явдгаа илэрхийлж "Та бүхэнд хүч зориг нэмэхийн тулд бид чадах бүхнээ хийх болно. Бид ч бас та бүхнээсээ ихээхэн урам зориг авдаг шүү. Цаашдаа ч хичээцгээнэ. Ирэх жилийг ч амжилт бүтээл дүүрэн байлгахын төлөө хамтдаа зүтгэе. Баярлалаа” гэв.

Энэ өдөр BTS тайзны эзэд байлаа.

TWICE хамтлагийнхан бас Дэлхийн шүтэн бишрэгчдийн сонголт шагналаас гадна Шилдэг эмэгтэй хамтлаг дуучин, Шилдэг эмэгтэй хамтлагийн бүжиг, ТОП 10 шилдэг эмэгтэй хамтлаг дуучин шагналуудыг хүртлээ.

2019 MAMA наадмын шагналтнууд

▲Оны шилдэг хамтлаг дуучин : BTS

▲Оны шилдэг дуу : BTS

▲Оны шилдэг цомог : BTS

▲Оны дэлхийн үзэгчдийн талархал: BTS

▲Дэлхийн шүтэн бишрэгчдийн сонголт: BTS•GOT7•Seventeen• TXT•TWICE• ATEEZ •MONSTA X• BLACKPINK•EXO• X1

▲Шилдэг шинэ эрэгтэй хамтлаг дуучин : TXT

▲Шилдэг шинэ эмэгтэй хамтлаг дуучин : ITZY

▲Шилдэг эрэгтэй хамтлаг : BTS

▲Шилдэг эмэгтэй хамтлаг : TWICE

▲Шилдэг эрэгтэй дуучин : Baekhyun

▲Шилдэг эмэгтэй дуучин : Chungha