Үсээ хуссан царайлаг Том Холланд
2019-12-10 17:10:42
“Хүн аалз” киногоор олонд танигдсан Холливудын жүжигчин Том Холланд үсээ хусчээ.
12 дугаар сарын 4-ний өдөр Америкийн splashnews.com сайтад АВС телевизийн “Jimmy Kimmel live” шууд нэвтрүүлэгт оролцохоор студид ирсэн Том Холландын зураг нийтэд дэлгэгджээ.
Зурган дээр Том Холланд хар өмд, цагаан футболк, хар хүрэмтэй инээмсэглэн алхсан байв.
“Cherry” киноны дүрийг бүтээхийн тулд үсээ хуссан Том Холланд урьдын адил царайлаг харагдаж олны анхаарал татсан.
Том Холланд 2012 онд “The Impossible” кинонд тоглож жүжигчний карьераа эхлүүлж, “Хүн аалз”, “Авенжерс” цувралуудад Питер Паркерийн дүрд тоглож шүтэн бишрэгчдийнхээ хайр хүндлэлийг олж аваад байгаа.
Сүүлийн үед найруулагч ах дүү Руссо нарын шинэ бүтээл “Cherry” киноны зураг авалт явагдаж байгаа бөгөөд тус кинонд Том Холланд Иракийн дайнаас буцаж ирээд хар тамхинд донтон, банк дээрэмдэгчийн дүрийг бүтээжээ.
