Марвелийн Black Widow киноны шинэ дүрүүд
2019-12-11 10:20:25
12 сарын 3-нд цацагдсан Black Widow киноны богино трэйлерт олон шинэ дүрүүд гарав.
Black Widow бол MCU-ийн 4-р фазын эхний бүтээл юм. Зөвлөлт Холбоот Улс задарснаас хойш 15 жилийн дараа Америкт болж байгаа үйл явдлыг Наташа Романов гэгч бүсгүйг тойрсон хэрэг явдлаар харуулна.
Black Widow хөтөлбөртэй холбоотой өнгөрсөн үе, The Red Room -ийн тухай ч гарна. The Red Room гэдэг нь ЗХУ-ын удирдлагаар Black Widow хөтөлбөрийг хэрэгжүүлж охидыг багаас нь хэрцгий алуурчин болгон бэлтгэдэг байгууллага.
Энэ киноны бас нэгэн гол дүр Елена Белова(Флоренс Пью) Наташатай тулалдаж байгаагаар гарна. Багаасаа The Red Room -д Наташатай цуг бэлтгэл сургуулилтад хамрагдаж ижил арга техник эзэмшсэн. “Авенжерс: Эцсийн тулаан” (найруулагч ах дүү Руссо) кинонд амь үрэгдсэн Наташагийн дараа шинэ Black Widow болно гэсэн цуу яриа чих дэлсэж байсан учир яггүй нэгэн байж таарна.
Наташагийн багт нэгдэх өөр нэг хүн бол Рэд Гардиан буюу Алексей Шостаков (Дэвид Харбор). Тэрээр Марвелийн эх комикт Америкийн засгийн газрын Ахмад Америкийн эсрэг тулалдах өрсөлдөгч ажилтан болж гардаг. Оросын тагнуулын алба КГБ-ийн удирдлагаар хүйтэн дайны үед чанд бэлтгэгдсэн нэгэн. Тулалдах чадвар, уран жолоодлогоороо ялгарна.
Түүнчлэн Black Widow хөтөлбөрт багтаж байсан ажилтан Мелина Востоков (Рэйчел Вайс) хүч хавсарч Наташагийн тэмцэлд туслах бололтой.
Бас Таскмастер хуягт хөлөг дээр сум харвахаар зэхэж байгаа Рэд Гардиантай тулалдаж байгаагаар гарч байна. Эх комикт тэрээр хүч чадалтай тамиртай гэж дүрслэгддэг. Нарийн ой санамж, хариу үйлдэл үзүүлэх чадвараараа баруун солгойгүй тулалдаж, богино хугацаанд мэдлэг эзэмшин мэргэжилтэн болдог.
Таскмастер хэдийгээр гарамгай чадвартай ч үүх түүх нь гунигийн сүүдэртэй. Асар богино хугацаанд мэдлэг эзэмшсэн хэдий ч гэрлэлт, Шийлд(S.H.I.E.L.D)-ийн багийн гишүүн гээд нандин дурсамжуудаа мартсан. Хуучин ой санамжийг нь мартуулж гэмт хэрэгтнүүдийг сургагч болгосон түүнийг энэ удаа Наташагийн төлөвлөгөөнд саад учруулагч эсрэг дүр болгох ажээ.
Black Widow 2020 оны 5 сард нээлтээ хийнэ.
