Дисней компани энэ жил Фрозен 2 киног оруулаад нийт 6 киногоор 10 тэрбум доллар давсан орлого олжээ
2019-12-14 11:22:55
Фрозен 2 киноны амжилтын ачаар нэг жилийн хугацаанд түүхэндээ анх удаа Дисней компанийн дэлхийн зах зээлээс олсон орлого 10 тэрбум доллар давжээ.
12 сарын 9-ний өдөр Бокс Оффис Можо сайтад мэдээлснээр Фрозен 2 кино Умард Америкт 338 сая доллар, хилийн чанадад 584 сая долларын орлого олж нийт 922 сая долларын ашиг оллоо. Ингэснээр Дисней компани жилийн турш 10 тэрбум доллар давсан орлого олсон анхны студи боллоо.
Дисней компанийн 2019 оны орлого:
Авенжерс: Эцсийн тулаан – 2.79 тэрбум доллар
Араатны хаан арслан – 1.65 тэрбум доллар
Ахмад Америк – 1.12 тэрбум доллар
Тоглоомын түүх 4 – 1.07 тэрбум доллар
Аладдин – 1.05 тэрбум доллар
Үүн дээр Фрозен 2 киноны орлогыг нэмбэл Дисней компани энэ жил 6 киногоор 10 тэрбум доллар давсан орлого олжээ.
Фрозен 2 кино 77 дахь удаагийн Алтан бөмбөрцөг кино наадмын бүрэн хэмжээний хүүхэлдэйн кино, киноны дуу ангилалд нэр дэвшсэн нь орлогын амжилтын зэрэгцээ чанартай сайн бүтээл туурвисныг илтгэн харуулж байна.
