“Дүлитл” киноны амьтдын сонгон шалгаруулалтын бичлэг цацагджээ
2019-12-20 17:29:48
Роберт Дауни Жуниор гол дүрийг нь бүтээсэн “Дүлитл” кинонд гарах амьтдын тусгай сонгон шалгаруулалтын бичлэг цацагджээ.
“Дүлитл” кино бол онцгой чадвартай Дүлитл(Роберт Дауни Жуниор) амьтадтай хамт гайхамшигт аялалд гардаг уран зөгнөлт, адал явдалт кино.
“Дүлитлийн сонгон шалгаруулалтын үед болсон явдал” бичлэгт алдартай киноны хэсгээс тоглож, жүжиглэх авьяасаа шалгуулж буй амьтдыг Роберт Дауни Жуниор шүүж байгаагаар гардаг.
Сонгон шалгаруулалтад “Jaws”, “Fast & Furious”, “Minions”, “Scarface”, “Notting Hill” зэрэг дэлхийн алдартай киноны гол үзэгдлийг идэвхтэй үзүүлж буй амьтад үнэхээр хөгжилтэй харагддаг.
Сонгон шалгаруулалтад оролцогчид
“Chee-Chee” гориллагийн дүр: Рами Малек,
“Jip” нохойн дүр: Том Холланд
“Tutu” үнэгний дүр: Марион Котийяр
“Betsy” анаашны дүр: Селена Гомез
“Dab-Dab” нугасны дүр: Октавиа Спенсер
“Plimpton” тэмээн хяруулын дүр: Кумэйл Нанжиани
“Yoshi” цагаан баавгайн дүр: Жон Сена
“Barry” барын дүр: Рэйф Файнс
“Polynesia” тотьны дүр: Эмма Томпсон
“Kevin” хэрэмний дүр: Крэйг Робинсон
“Дүлитл” кино 2020 оны 1 дүгээр сарын 17-ны өдөр нээлтээ хийнэ.
