Хүн аалз, Веном хоёр уулзах уу?… Том Холланд "Веном-2" кинонд тоглохоор ярилцаж байна
2020-01-03 15:43:39
12 сарын 27-нд Америкийн "Comicbook.com" сайтын сэтгүүлч Дэниел Лихтман "Том Холланд Веномын дараагийн ангид тоглохоор ярилцаж байна” гэж мэдээлжээ.
Харин Том Холланд тоглолоо гэхэд туслах дүрээс хэтрэхгүй бололтой.
“Марвелийн хамгийн анхны эсрэг дүрийн соло кино” гэгдэн шуугиан тарьсан “Веном” кино 2018 оны 10 сард нээлтээ хийж Умард Америкт 210 сая гаруй долларын орлого олсон билээ.
Супер баатартай блокбастер кино Веномд шударга ёсыг эрхэмлэдэг сурвалжлагч Эдди Брок(Том Харди) харь гарагийн амьд биет симбиот биед нь орж, ер бусын хүчтэй Веном болсноор түүнд тохиолдож байгаа үйл явдлыг харуулдаг.
Веномын 2-р ангид гол дүр Веном, эсрэг дүр Карнаж(Вүүди Харрельсон)-ийн хорон ажиллагааг зогсоохын төлөө тэмцэнэ.
Киног “Бөгжний эзэн” киноны Голлум, “Бичин гарагийн бослого” киноны Цезарийн дүрийг бүтээсэн нэрт жүжигчин, найруулагч Энди Серкис найруулахаар болжээ
Тэгэхээр Веномын шинэ ангид Веном Том Харди, Хүн аалз Том Холланд нарыг цуг харах боломж олдож магадгүй нь ээ.
Веном-2 кино 2020 оны 10 сард нээлтээ хийнэ.
Зургийн эх сурвалж: Sony pictures, Disney
