“BTS” хамтлагийн шинэ түүхийг өгүүлэх эргэн ирэлт
2020-01-11 15:18:30
“Big Hit Entertainment” 1-р сарын 8-ны өдөр “BTS Weverse” фэн сайтад “BTS хамтлагийн “MAP OF THE SOUL: 7” цомог ирэх сарын 21-ний өдөр худалдаанд гарна” гэж мэдэгджээ.
Энэхүү цомог нь “MAP OF THE SOUL” -ийн хэсэг бөгөөд өнгөрөгч оны 4-р сард худалдаанд гарсан “MAP OF THE SOUL: PERSONA”-ийн үргэлжлэл аж.
Тус хамтлаг “MAP OF THE SOUL” -оор “Өөрөө өөрийгөө олох” гэсэн ухагдахууныг түгээхээр зорьж ажилласан. Өмнөх “PERSONA” цомог нь хорвоо ертөнцөд тулгарч буй асуудлууд, хайр халамж, баяр баяслыг агуулсан уран бүтээлүүдтэй.
Тухайн үед дэлхий нийтээр халуун дулаанаар хүлээн авч, Биллбоард 200 цомгийн жагсаалтын эхэнд бичигджээ. Худалдаанд гарснаасаа хойш 9 сарын дараа ч гэхэд тус жагсаалтад багтсан хэвээр байна.
Түүгээр ч зогсохгүй 2019 оны 7-р сард ‘Nielsen Music” -ийн 2019 оны эхний улирлын тайланд “Top 10 Physical Albums”-ийн нэгдүгээрт бичигджээ. Мөн Америкт хамгийн их борлуулалттай цомгоор тус тус шалгарсан байна.
Солонгост мөн адил шинэ рекорд тогтоож, “PERSONA” цомог 3,690,000 хувь борлогдож, “Gaon Album Chart”-д хамгийн их борлогдсон цомгоор шалгарчээ. Түүнчлэн хамгийн богино хугацаанд буюу худалдаанд гарснаасаа хойш нийт 19 хоногийн дотор борлогдсон байна.
Шинэ цомог юуны талаар өгүүлэх нь нууцлаг хэвээр байна. Тус компанийн албаны хүн мэдээлэхдээ “Цомог худалдаанд гарахтай холбоотой дэлгэрэнгүй мэдээллийг "BTS Weverse" -д нийтэлж хүргэх болно” хэмээжээ.
“BTS” хамтлагийн “MAP OF THE SOUL: 7” цомгийг 2-р сарын 9-ний өдрөөс хөгжмийн сайтуудаас захиалгаар худалдан авах боломжтой юм байна.
