BTS хамтлаг Америкийн Грэммийн шагнал гардуулах ёслолд...
2020-01-26 00:51:41
BTS хамтлаг Америкийн Грэммийн шагнал гардуулах ёслолын тайзнаа ахин нэг удаа гарах гэж байна.
1 сарын 23-ны өдөр Грэммийн шагналын албан ёсны сайтад BTS хамтлаг 1 сарын 26-нд Америкийн Лос-Анжелес хотын Staples Center төвд болох 62 дахь удаагийн Грэммийн шагнал(GRAMMY Awards) гардуулах ёслолд Old Town Road All-Stars тоглолтод орох болсныг зарлалаа.
BTS хамтлагийнхан ноднин шагнал гардуулах гэж тус тайзанд гарч байсан бол энэ удаа тоглолтоо үзүүлэх гэж байна. Тухайн үед Азийн дуучид хамтлагуудаас анх удаа Грэммийн шагналын тайзанд гарч дуулиан тарьж, тэрхүү тайзнаас RM англиар "Солонгост өсөж өндийхдөө энэ тайзнаа гарахыг мөрөөддөг байлаа. Бид эргэн ирэх болно." гэж мэдэгдэж байсан билээ. Тэр амлалтаа жилийн дараа биелүүлж байгаа нь энэ юм.
BTS хамтлагийн гишүүд "Old Town Road" -ийг дуулсан рэппер Lil Nas X, дуучин Billy Ray Cyrus нараас гадна Diplo, Mason Ramsey нартай хамтарч тоглохоор болсон байна. Ялангуяа BTS хамтлагийн ахлагч RM 2019 оны 7 сард Lil Nas X-тэй хамтарч "Old Town Road" -ийн өөр нэгэн хувилбар "Seoul Town Road" -ийг танилцуулж байсан юм.
Грэммийн шагнал бол Америкийн Дуу бичлэгийн академиас зохион байгуулдаг хамгийн нэр хүндтэй ёслол бөгөөд, энэ удаагийн тоглолт BTS хамтлаг Billboard Music Awards, American Music Awards, Grammy Awards хэмээх 3 том наадмаас гурвуулангаас нь шагнал хүртэх амжилтын боломжийг ойртуулж байгаагаараа онцлог билээ.
Харамсалтай нь BTS хамтлаг энэ жилдээ Грэммийн шагналд нэр дэвшиж чадаагүйг бид мэднэ. 2019 оны 11 сард нэр дэвшигчдийг зарлахад дэлхийд олон амжилтын эзэн болж байгаа BTS хамтлагийн нэр ороогүйг Грэммийн шагнал гардуулдаг зөвлөлийн хуучинсаг үзэлтэй холбон тайлбарлаж байсан юм.
Бас BTS хамтлаг Beyoncé, Jay-Z нарын яг ард, Taylor Swift-ийн дэргэд зогсох болсон нь дэлхийн олон шүтэн бишрэгчдийн ам дамжин яригдаж байна.
