“Red Velvet” хамтлаг “Троллууд 2” анимэйшний K-POP троллын дүрд сонгогджээ

2020-02-16 00:51:35

Дэлхий дахинаа 350 сая долларын орлого олсон “Троллууд”(2016)-ийн дараагийн анги “Троллууд 2” анимэйшнд “Red Velvet” хамтлаг гарах ажээ. Тус кино нь поп, рок, классик, техно, кантри, фанк урсгал жанраас бүрдсэн троллуудын хаант улсад өрнөж буй хөгжмийн тулааныг харуулсан анимэйшн юм. 

“Red Velvet” хамтлагийн гишүүдийн дүр төрхийг илэрхийлэх өнгө болох ягаан(Irene), хөх(Wendy), ногоон(Joy), нил ягаан(Yeri), шар (Seulgi) өнгөөр үсийг нь будсан K-POP Троллуудын дууг “Red Velvet” хамтлаг оруулсан төдийгүй шинэ дуу дуулах аж. “Dream Works” студиэс дуу оруулах ажилд “Red Velvet” хамтлагийн гишүүд өөрсдийн онцлогт тааруулан K-POP троллуудын дүрийг төгс бүтээсэн гэж мэдэгдсэн нь бүр их хүлээлт үүсгээд байна. Түүнчлэн тус кинонд “Red Velvet” хамтлагийн “Russian Roulette” дуу эгшиглэнэ хэмээн яригдаж байгаа нь үзэгчдийн сонирхлыг ихээр татаж байна.  

“Троллууд 2” кинонд “Поппи”-ийн дүрийг бүтээн чадварлаг дуучин, жүжигчин гэдгээ харуулсан Анна Кендрик, Холливудын төлөөлөх олон төрлийн авьяастай энтертэйнер, “Grammy Awards”-ын олон удаагийн эзэн Жастин Тимберлэйк “Бранч”-ийн дүрд дахин дуу оруулж, дуулах ажээ. Мөн домогт рок дуучин Оззи Осборн, “Америкийн Шүтээн” шоу нэвтрүүлгээс төрөн гарсан алдарт дуучин, дуу зохиогч Келли Кларксон зэрэг олон авьяаслаг жүжигчид хамтдаа алдартай дуунуудын наадмыг толилуулах ажээ. 

“Троллууд 2” кино нь 4-р сарын 17-нд нээлтээ хийнэ. 

Зургийн эх сурвалж: Universal pictures