“Супер баатар”-тай аймшгийн төрлийн кинонууд...
2020-03-03 16:17:50
“Супер баатар” -тай кинонуудад баатрууд хорт этгээдүүдийг устган дэлхийг аварч, шударга ёсыг тогтоодог тухай олонтаа өгүүлдэг. Гэвч сүүлийн үед илүү олон төрөл, жанрыг хүсэх болсон үзэгчдэд нийцүүлэн “супер баатар” -ын кинонд өөрчлөлт орж байна.
“Шинэ Мутантууд”
1982 онд “Марвел” -ийн график романаар анх олны хүртээл болсон “Шинэ Мутантууд” кино болж бүтээгджээ. Ер бусын чадвартай хүүхдүүд нууц шоронд хоригдон үйл явдал өрнөж байгаа талаар өгүүлдэг. “Икс-Хүмүүс” цувралын анхны бүтээлээс аймшгийн кино гэдгээрээ ялгаатай. Тус киног “20 -р зуун фокс” компани “Дисней” -д очихоос өмнө бүтээж байжээ. Трэйлерт нууц шоронд хоригдсон хүүхдүүд туршилтад ордог талаар өгүүлж, хүүхдүүд ер бусын хорт хүчин, айдастайгаа нүүр тулан тулалдах болдог. Урьдын “Супер баатар” -тай кинонуудаас өөрөөр айдас төрүүлэм байдлыг үзүүлсэнээрээ ялгаатай байгаа “Марвел” -ийн шинэ кино хүлээлт үүсгэж байна. “Game of Thrones” Мэйси Уильямс, “The Originals” Блю Хант, “Stranger Things” Чарли Хитон, “13 Reasons Why” Хенри Зага тус тус кинонуудад тоглосон шинэ жүжигчдээс бүрджээ.
“Шинэ Мутантууд” кино нь 4-р сарын 3-нд нээлтээ хийнэ.
“Доктор Стрэйнж 2”
“Marvel Cinematic Universe(MCU)” компани бас “Доктор Стрэйнж 2” киног аймшгийн кино маягаар бүтээх ажээ. Тус кино нь “MCU” компанийн анхны аймшгийн кино гэснээс өөр мэдээлэл байхгүй байна. Доктор Стрэйнж(Бенедикт Камбербэтч), Скарлет Вич(Элизабет Олсен) нар түүхийг үргэлжлүүлж явах ба Мордо, Найтмер гэсэн хорон санаатнууд гарах аж. 2020 оны 12-р сард “Дисней плас” -аар олны хүртээл болох “Ванда Вишн” киноны дараагаар “Доктор Стрэйнж 2” кино гарах талаар гаднын хэвлэлүүд мэдээлэлж байна. “Доктор Стрэйнж” киног найруулсан Скотт Дерриксон найруулагч “Доктор Стрэйнж 2” -ыг найруулахаар болсон боловч үзэл бодлын зөрчлийн улмаас больжээ. Одоогоор Сэм Рэйми найруулагч хамтарч ажиллана хэмээн таамаглаж байгаа аж.
Тус кино нь 2021 оны 5-р сард нээлтээ хийнэ.
Зургийн эх сурвалж: Disney
