Коронавирусийн хохирол, Холливудын “Гол үйл ажиллагаанууд бүгд зогсов”

2020-03-27 10:47:46

Холливуд коронавирусийн эрчимтэй тархалтын улмаас урт хугацааны турш үргэлжлэх хохиролд өртлөө. Гол үйл ажиллагаануудаа бүгдийг зогсоов. 

Холливудын кино бүтээгч компаниуд коронавирусийн тархалтын улмаас гол үйл ажиллагаануудаа бүгдийг нь зогсоожээ. “Disney”, Warner Bros”, “Netflix”, “Amazon” зэрэг компаниуд кино, телевизийн бүтээлийн зураг авалт, нээлтийн өдрийг хойшлуулсан байна. 

Нэн түрүүнд кино зураг авалтууд зогсжээ. Үүнд “The Falcon and the Winter Soldier”(Чех), “Mission: Impossible 7”(Итали), “Avatar 2”(Шинэ Зеланд), “Elvis Presley”(Австрали) зэрэг кинонуудын зураг авалт зогссон байна.

Эдгээр кинонуудын дийлэнх нь Европт зураг авалт нь явагдаж байжээ. Коронавирусийн халдвар Европт маш хурдацтай тархаж байгаа учир уг шийдвэрийг гаргажээ.   

Үнэндээ бол Том Хэнкс 2-р сарын 12-ны өдөр Австралид “Elvis Presley”-ийн тухай киноны зураг авалтын үеэр коронавирусийн халдвар авсан нь Холливудын жүжигчдээс халдвар авсан анхны тохиолдол аж. 

Кино бүтээх ажлуудын дийлэнх нь зогсжээ. Жишээ нь “Shang-Chi and the Legend of the Ten Rings”, “The Little Mermaid”, “Peter Pan & Wendy”, “Avatar 2”, “The Batman”, “Matrix 4”, “Jurassic World: Dominion” гэх мэт.

Мөн кино нээлтэд  өөрчлөлт орсон байна. Үүнд “Шинэ Мутантууд”, “Mulan”, “Black Widow”, “Аниргүй Орчин II” зэрэг кинонууд нээлтийн өдрөө хойшлуулжээ. 

Энэ нь кино сонирхогчидийн хувьд хүнд цохилт болоод байна. “007: Үхэх ч завгүй” кино нээлтийн өдрөө 11-р сарын 25-ны өдөр буюу 7 сараар хойшлуулсан. Харин “Галзуу хурд 9: Хурдны домог” кино нээлтийн өдрөө ирэх жилийн 4-р сарын 2-ны өдөр буюу 1 жилээр хойшлуулжээ.

Киноны ажил зогссонтой холбоотой гарах уршиг  1-2 жил үргэлжилнэ гэж тооцож байна. Учир нь дийлэнх киноны ажлууд зогсож, төлөвлөсөн хугацаа нь хойшилсон. Төлөвлөсөн хугацаа нь киноны ажил зогсохтой салшгүй холбоотой байдаг билээ. 

Мөн “NBC Universal” компани 35 бүтээлийн ажлыг зогсоожээ. “Apple TV+” бүх цуврал кинонуудынхаа ажлуудыг зогсоосон гэж мэдэгдэв. “Netflix” компани кино хийх ажлаа багадаа 2 долоо хоногоор зогсоохоор болжээ.