Диснейн “Hercules” хүүхэлдэй бүрэн хэмжээний кино болж дахин дэлгэцнээ

2020-05-08 19:01:30

4-р сарын 30-ны өдөр Deadline, Hollywood reporter, Variety зэрэг Америкийн хэвлэлүүдэд мэдээлснээр 1997 онд бүтээгдэж байсан Диснейн “Hercules” анимэйшн нь бүрэн хэмжээний кино болж бүтээгдэх ажээ.  

Одоогоор “Hercules” кино нь хөгжүүлэлтийн шатандаа яваа бөгөөд Антони, Жое Руссо ах дүүc уг киног бүтээх аж. “Shang-Chi”, “The Expendables” киноны Дэйв Каллахэм кино зохиолд нь хамтран ажиллах юм байна. Руссо ах дүүсийн “AGBO” компани “Hercules” кино бүтээх ажээ.

“Hercules” нь 1997 оны 6-р сард анх олны хүртээл болж, Умард Америкаас 99,112,101 доллар, глобал зах зээлээс 153,600,000 долларын орлого олсон байна.  

Тус кинонд Ариана Гранде, Идрис Эльба, Райан Гослинг зэрэг жүжигчид тоглоно гэсэн яриа газар авч байгаа боловч дүрийн шалгаруулалт одоогоор тодорхойгүй байгаа ажээ. 

Зургийн эх сурвалж: Disney