Том Круз “Edge of Tomorrow” киноны найруулагчтай дахин хамтран ажиллана
2020-06-05 10:59:53
Холливудын жүжигчин Том Круз “Edge of Tomorrow” кинонд хамт ажилласан Даг Лайман найруулагчтай дахин хамтран ажиллахаар болжээ.
5-р сарын 26-ны өдөр Америкийн “Variety” сайтад Даг Лайман найруулагч Том Крузын тоглохоор болсон сансар огторгуйн тухай киног найруулна гэж нийтэлжээ.
Том Круз “Тesla”-г үндэслэгч хийгээд “SpaceX” компанийн захирал Элон Масктай хамтран сансар огторгуйг харуулсан кино бүтээхээр болсон талаар мэдэгдсэн билээ.
Том Круз, Элон Маск нар АНУ-ын Сансар судлалын хүрээлэн(NASA)-д киноны зураг авалтын төлөвлөгөөг танилцуулж зөвшөөрөл авсан байна.
Цаашид Даг Лайман найруулагчаар нь ажиллана. Тэрээр киноны эх зохиол бичих, кино бүтээх ажилд мөн адил оролцох ажээ.
Даг Лайман найруулагч “The Bourne Identity”, “The Bourne Ultimatum” зэрэг “Bourne” цувралыг болон “Mr. & Mrs. Smith” киног найруулжээ.
Зургийн эх сурвалж: Paramount pictures
