“Mission: Impossible 7” киноны зураг авалт зогсжээ

2020-08-21 17:07:00

8-р сарын 13-ны өдөр Английн “The Sun”-д нийтэлснээр Холливудын жүжигчин Том Крузын гол дүрд нь тоглож байгаа “Mission: Impossible 7” киноны Оксфордшир дэх зураг авалтын талбайд мотоцикл дэлбэрсний улмаас гал түймэр гарчээ. Тиймээс зураг авалтыг бүрэн зогсоож, зураг авалтын байрыг хаасан байна. 

Зураг авалтын үеэр орлон тоглогчийн унаж байсан мотоцикл газардах хэсэгт байрлах зөөлөвчид гал авалцан түймэр гарсан гэж мэдэгджээ. Зөөлөвч, мотоциклын дугуй хоёрын үрэлтийн улмаас гал гарсан ба гэмтэж бэртсэн хүн байхгүй гэж мэдээлжээ.

Эх сурвалжийн мэдээлснээр “Тус зураг авалтын байгууламжийг 6 долоо хоногийн турш бэлдэж и хөрөнгө ба хүч хөдөлмөрийг зарцуулсан. Гэвч агшин зуурт бүх зүйл буруутлаа. Орлон тоглогчийг доргилтоос хамгаалахын тулд хийсэн зөөлөвч, мотоциклын дугуй хоёр үрэлт үүсэн гал ассан. Том Круз  болон кино багийнхан маш их цочирдолд орсон ба хэн ч зураг авалтыг үргэлжлүүлэхийг хүсээгүй” гэж хэлжээ. Тус кино өмнө нь коронавируст халдварын улмаас зураг авалтаа зогсоогоод байсан ба саяхнаас кино зураг авалтаа дахин эхлүүлсэн байжээ.  

“Mission: Impossible 7” кино 2021 оны 11-р сарын 19-нд нээлтээ хийнэ. 

Зургийн эх сурвалж: Paramount pictures