Ухаарч эхэлсэн Мутантууд “Шинэ Мутантууд”-ын хүчирхэг өнгө төрхтэй постер...
2020-08-28 17:43:06
“Шинэ Мутантууд”-ын хүчирхэг өнгө төрхийг харуулсан шинэ өвөрмөц постер олон нийтэд цацагджээ. Тус постерт шийдэмгий эрэлхэг харцтай Роберто, Илиана, Дани, Рэйн, Сэм гэсэн таван залуу Мутантууд ба тэдний хүчийг зогсоох боломжгүй мэт төрхийг харуулж байгаа нь анхаарал татаж байна.
Уг постерт тэдний хүч чадлуудыг дүрсэлсэн байх бөгөөд хамгийн зүүн талд байх Роберто нь sunspot буюу бүхэлдээ гал шиг асах чадвартай гэдгийг илтгэсэн мэт галын дөл байна. Харин Икс-Хүмүүсийн нэг Колоссын дүү Илиана нь ид шид болон шилжилт хийх чадвартай ба түүнээс хөх туяа цацрах аж. Харин Дани нь өрсөлдөгчийнхөө айдас, хүслийг хуурамчаар гаргах сэтгэцэд нөлөөлөх чадвартай бөгөөд өөрийн хүчийг илэрхийлсэн мэт нүдээ цагаан болгон хувиргасан байна. Мөн Рэйн бол хүн чоно. Сэм нь маш хурдтайгаар гүйсээр тийрэлт өгөн нисэх чадвараа нэг гартаа улаан энергиэр илэрхийлсэн аж. “Шинэ Мутантууд” кинонд дийлдэшгүй хүч чадлаа зөв удирдаж, хянах зорилгоор нууц эмнэлэгт хоригдсон өсвөр насны Мутантуудын талаар өгүүлнэ.
Тус кино 8-р сарын 28-ны өдөр нээлтээ хийнэ.
