58 настай Том Круз, хурдалж байгаа галт тэргэн дээр орлон тоглогчгүйгээр тулалдана
2020-10-09 14:37:12
“Mission: Impossible 7”, “Mission: Impossible 8” киног найруулсан Кристофер Маккуорри найруулагч 10-р сарын 4-ний өдөр өөрийн олон нийтийн сүлжээ хаягтаа Норвеги улсад хийгдэж байгаа кино зураг авалтын хэсгээс олон нийтэд дэлгэжээ.
Уг зурагт хурдалж буй галт тэргэн дээр ямар ч зэвсэггүйгээр тулалдах дүрийг бүтээж буй Том Круз байсан нь олны гайхшралыг төрүүлсэн байна. Том Круз өмнө нь уулын орой дээрээс эгц уруу мотоциклоор хурдалж хүнд хэлбэрийн тулалдааныг маш амжилттай гүйцэтгэн шуугиулж байсан билээ.
Том Круз “Mission: Impossible” цувралд орлон тоглогчгүйгээр өөрөө тулалдаж зураг авалтууддаа ордог гэдгээрээ алдартай. Харин энэхүү шинэ бүтээлд ямар амь өрссөн тулаан, сэтгэл догдлуулсан адал явдлыг харуулах бол гэдэг нь үзэгчдийн хүлээлтийг үүсгээд байна. “Mission: Impossible 7” кино ирэх жилийн 11-р сард нээлтээ хийнэ.
