“Доктор Стрэйнж 2” киноны зураг авалт тун удахгүй
2020-10-10 13:54:17
Жүжигчин Бенедикт Камбарбэтч “WatchTime”-д өгсөн ярилцлагадаа “Doctor Strange in the Multiverse of Madness(Доктор Стрэйнж 2) киноны зураг авалт 10-р сарын сүүл, 11-р сарын эхээр эхэлнэ гээд тус бүтээлийн ажил эхлэх гэж байгаад сэтгэл нь догдолж байна" хэмээжээ. 2016 онд анх олны хүртээл болсон Доктор Стрэйнж киноны найруулагчаар Скотт Дерриксон ажилласан. Тэрээр дараагийн ангийг найруулахаар байсан боловч санал бодол нийлээгүйн улмаас төслөөс гарчээ.
Марвел өмнө нь "Доктор Стрэйнж 2" кино нь Марвелын анхны аймшгийн кино байх болно хэмээн мэдэгдээд тус киноны найруулагчаар Сэм Рэйми найруулагчийг сонгон хамтран ажиллах болсноо зарласан. Сэм Рэйми найруулагч нь кино урлагт анх аймшгийн киногоор хөл тавьж байсан. Харин тэрээр жүжигчин Тоби Магуайрын гол дүрд нь тоглосон "Хүн Аалз" киног найруулснаар өөрийн авьяас чадвараа үзэгчдэд баталсан. Мөн тэрээр 2016 онд "Don't Breathe" гэх гэмт хэрэг, триллер, аймшгийн киног найруулж байсан.
"Доктор Стрэйнж 2" кино нь 2021 оны 11-р сарын 05-ны өдөр нээлтээ хийхээр төлөвлөж байсан боловч, коронавируст халдварын улмаас нээлтийн өдрөө 2022 оны 3-р сарын 25-ны өдөр болгон өөрчилсөн. Өмнөх ангид Доктор Стрэйнжийн дүрийг бүтээсэн Бенедикт Камбарбэтч мөн Марвелын зүгээс Скарлет Витчийн дүрийг бүтээсэн Элизабет Олсен тус кинонд тоглоно гэж мэдэгдээд байгаа билээ.
