“Том, Жерри хоёр” түүхэн дэх хамгийн их хайр хүндэтгэлийг хүртсэн өрсөлдөгчид, санал болгох 3 гол санаа

2021-02-27 22:34:25

2021 оны 3-р сард нээлтээ хийх “Том, Жерри хоёр” нь 1940 онд олны хүртээл болсноос хойш 80 жил өнгөрсөн ч өнөө хэр мянга мянган үзэгчдийн хайр хүндэтгэлийг хүртсээр байгаа. 20-р зууны шилдэг тус анимэйшн нь үйл хөдлөлийн комеди буюу хөгжилтэй нүүр хувирал, биеийн хэлэмжээрээ үзэгчдийн сэтгэлд мөнхөрсөн бүтээл юм. 

10-н настанд #Өхөөрдөм

“Том, Жерри хоёр” кинонд бүтэлгүй Том, дүрсгүй Жерри хоёрын урьд хожид байгаагүй том сөргөлдөөнийг дүрслэх аж. Ялангуяа 10-н настанд live action, computer graphics хосолсон гибрид анимэйшнээр, дуу дүрсийн гайхалтай хослолыг мэдрүүлэх аж. Том, Жерри хоёрын ер бусын өхөөрдөм байдал нь өөрөө амралт болно!    

20-н настанд #Нью-Йорк хотын их үймээн 

Энэ зууны шилдэг хуримыг зохион байгуулахаар ажиллаж буй Нью-Йорк хотын дээд зэрэглэлийн зочид буудалд суурьшсан Жерри хулгана, түүнийг зочид буудлаас хөөхөөр хөлсөлсөн Том нарын бүтэлгүй хөгтэй тулаан өрнөнө. Багадаа мэдэрч байсан тэр мартагдашгүй дурсамжуудыг тань эргэн сануулах болно. Хлоя Морец, Майкл Пенья, Кен Жонг зэрэг Холливудын чадварлаг жүжигчид тоглосноор үзэгчдийн сонирхлыг татах ажээ.

30-н настанд #Томчуудын дурсамж 

Тус кино нь эх бүтээлд тулгуурлан гараар зурсан 40,000 зураг, 47 багц, нийт 1800 төрлийн хувцас гээд асар том төслөөр бүтжээ. Спайк бульдог, Топси муур, Томын өрсөлдөгч гудамжны Бирч муур, Голди алтан загас, Малколм, Сэсиль заан, Пигеон тагтаа гээд олон дүрүүд гарах ба өөр өөрийн гэсэн онцлогтой байх аж. Тулалдаанд бүхнээ зориулах хэрэг таригчдын бүтэлгүй дөнгөлтүүдийг харуулах болно.

Том, Жеррид дуртай томчуудад хүүхэд насны дурсамжийг нь, хүүхдүүдэд ер бусын хөгжилтэй явдлыг өгүүлэх “Том, Жерри хоёр” бодит анимэйшн 2021 оны 3-р сард нээлтээ хийнэ. 

Зургийн эх сурвалж: Warner bros