“Godzilla vs. Kong”, Хэн нь илүү хүчтэй бол оо?

2021-03-18 11:59:31

Годзилла, Конг хоёрын түүхэн дэх хамгийн хүчирхэг тулалдааныг дүрсэлсэн блокбастер кино юм. Мангасуудын эцсийн тулаан тул илүү их анхаарал татаж байгаа. Хэн ялагч нь болох вэ гэсэн ширүүн маргаан үүсээд байгаа ч, Годзилла, Конг хоёрын тулалдах чадварыг харьцуулсан байна.

Юун түрүүнд бие бялдрын хувьд Годзилла илүү байх нь. Годзиллагийн сүүлийг нь оруулбал 119.8 м бөгөөд нуруундаа 89 хурц үзүүртэй сэрвээтэй. Гэхдээ яаран дүгнэх хэрэггүй. Конг нь өссөөр байгаа бөгөөд одоо 90 м, нас бие гүйцэхэд 106.68 м болно. Биеийн жин нь 4 дахин нэмэгдсэн байх гэж таамаглаж байна. Бие нь бүхэлдээ цөмийн зэвсэг Годзилла нь асар том биендээ цацраг идэвхжилтийг гал болгож хөх атомын гэрлээр галладаг бөгөөд өрсөлдөгчгүй гэгддэг. Дэлхийн 8 дахь гайхамшиг гэж нэрлэгддэг Конг нь зэвсэг ашиглан чадварлаг тулалдаж, өндөр түвшний дайны арга тактиктай тул тааварлахын аргагүй тулалдааныг харуулах аж.

Аль нь илүү вэ гэдгийг хэлж чадахааргүй эн тэнцүү тулалдах чадварыг нь харсан ч ялагчийг амархан таашгүй. Үнэхээр сүрдэм мангасуудын тулалдаж буйг харуулсан хэсэг нь урьд хожид харж байгаагүй өргөн цар хүрээтэй гэдгээрээ бахархаж байгаа. Хоорондоо нэг зууралдахад л байлдааны нисэх онгоц, цэргийн хөлөг цаас шиг хорчийж, том хот үнсэн товрог болох аймшигт үзэгдэл нь газар, далай, агаарт өрнөх аж. Бие биенийгээ цохих нударгын буулт бүр нь биед мэдрэгдэж, өндөр байшин барилгууд юу ч үгүй нуран унаж байгаа нь айдас төрүүлэм.

Сүүлийн үеийн дэвшилтэт CG, VFX технологиор хийгдсэн хоёр аймшигт мангасын тулалдаан дэлгэцийг нэвтлэн гарч ирэн яг л бодит мэт мэдрэмжийг төрүүлээд зогсохгүй тус кино уянгын өгүүлэмжийг ч бас агуулжээ. Ярьж чаддаггүй бяцхан охин Жиа Конгтой харцаараа ойлголцож, дохиогоор ярьдаг нь сонирхол төрүүлнэ. Хүний сэтгэл хөдлөл, хэлийг ойлгодог Конгийн дүр нь Питер Жексон найруулагчийн “Кинг Конг”, “Бичин гарагийн дайн” кинон дахь Цезарь сармагчингийн залгамж халааг харуулсан бас нэгэн сэтгэл татам дүр бий болсныг илтгэж байгаа гэлтэй.

Тус кинонд Мехагодзилла гарч ирэх бөгөөд Муто, Гидора, Нозуки, Варбат, Скалл Кравлер зэрэг Титанууд олноор гарч ирэх аж. Годзилла, Конг хоёрын тулаантай зэрэгцээд Титануудтай тулалдах, хуйвалдаан, нууц гэх зэрэг олон сонирхолтой үйл явдлыг хүүрнэсэн энтертайнмент кино гэдгийг харуулж байна. “Blair Witch”, Холливудын “Death Note” зэрэг өөрийн гэсэн өвөрмөц шинжтэй, мэдрэмжтэй кинонуудыг бүтээж ирсэн Адам Вингард найруулагчаар нь, өмнөх цувралууд болон “Black Widow”, “Thor: Ragnarok” -ийн кино зохиолч, “Mad Max”, “Deadpool”, “Batman v. Superman”-ийн хөгжмийг бичсэн Junkie XL дууны найруулагчаар ажиллажээ. Тус кинонд Александр Скарсгард, Милли Бобби Браун, Ребекка Холл, Кайл Чандлер, Огури Сюн, Эйса Гонсалес нар тоглосон байна.

2021 оны 3-р сарын 26-ны өдөр нээлт хийх “Godzilla vs. Kong” кинонд Годзилла, Конг гэсэн хамгийн хүчирхэг хоёр домог тулалдана.