“Үхлийн Салаа 2”-ийн талаар гадны хэвлэлүүдэд... “Жеймс Ганн найруулагч үнэхээр суут хүн”
2021-07-30 09:32:32
2021 оны 8-р сард нээлтээ хийх “Үхлийн Салаа 2” киноны талаар хэвлэлийнхэн ам уралдан магтаж байгаагаас харахад үнэхээр сонирхолтой кино бололтой. Урьд хожид байгаагүй киноны баатрууд өмнө нь харж байгаагүй ширүүн тулааныг үзүүлж, үнэхээр гайхалтай хэрнээ галзуу кино болсон гэж магтаж байгаа бөгөөд дэлхий даяарх кинонд дурлагсдад өндөр хүлээлт үүсгээд байна. Ялангуяа хамгийн шилдэг сонирхолтой блокбастер кино бүтээсэн Жеймс Ганн найруулагчийг ихээр магтаж байна.
“Үхлийн Салаа 2” кинонд хамгийн муу хорон санаатнууд, ямар ч багийн ажиллагаа байдаггүй үхлийн салаанд өгөгдсөн “илүү” дүрэмгүй тактикийг дүрсэлсэн ажээ. “Илүү” ширүүхнээр, “илүү” хөгжилтэйгөөр, мөн хатуугаар дэлхийг аврахыг хүссэн хорон санаатнуудын багийн ажиллагааг харуулах ажээ. Жеймс Ган найруулагч эх зохиолыг нь бичиж, өөрөө найруулж, өөрийнхөө шинэ хувилбараар бүхэл бүтэн шинэ түүхийг хүүрнэн өөрийн өвөрмөц өнгө аясыг шингээсэн нь хүлээлтийг маш ихээр үүсгээд байна.
Олон нийтэд цацагдсан бичлэгт Марго Робби, Идрис Эльба, Жон Сина, Виола Дэвис нар жүжигчид Жеймс Ганн найруулагчийн хязгааргүй төсөөлөлд гайхширч, зураг авалтын газрын уур амьсгалыг магтаж, найруулагчид бүрэн итгэж байгаагаа хэлсэн байна. Миний бүтээсэн кинонуудаас хамгийн нарийвчлал сайтай кино учраас миний хувьд ч хүч сорьсон бүтээл байсан гэж Жеймс Ганн найруулагч хэлсэн. “Warner Bros”-ийн бүрэн тусламжтайгаар “Хиймээр байгаа зүйлээ бүгдийг нь хийсэн” гэж хэлэн кинондоо бүрэн итгэлтэй байгаагаа харуулсан байна.
“Үхлийн Салаа 2” киноны талаар гадны хэвлэлүүд ч бас “Жеймс Ганн үнэхээр үзүүлээд өглөө(Cineexpress), “Үнэхээр галзуу. Аймшигтай ширүүн, өршөөлгүй. Жеймс Ганны онцлогийг бүрэн харуулжээ(comicbook.com)”, “DC-гийн хамгийн шилдэг бүтээл(Film Forge)” хэмээн дүгнэжээ. Мөн тус бүтээл нь бүх зураг авалтаа IMAX камераар авчээ. R ангиллын киноны түүхэн дэх хамгийн их хөрөнгө оруулалттай, өргөн хүрээ хамарсан тулаант блокбастер кино болсон байна.
“Үхлийн Салаа 2” кино 2021 оны 8-р сард нээлтээ хийнэ.
