“No Time To Die” Дэниел Крейг, үхэлтэй нүүр тулсан сүүлчийн даалгавар... сүүлчийн трэйлер
2021-09-29 00:05:07
Дэлхий даяар хүлээлт үүсгэн шуугиан тарьж буй “No Time To Die” киноны гол үйл явдал, түүхийг агуулсан сүүлчийн трэйлер цацагджээ. Дэлхий нийтийг аюулд унагах түүхэн дэх хамгийн анхны хямралтай нүүр тулсан Жеймс Бонд нь MИ-6-г дахин бүрдүүлж гишүүдтэйгээ даалгавраа биелүүлэхийн тулд нэгийгээ үзэн тулалддаг. Энэхүү үйл явдал Дэниел Крейгийн дэвшилтэт технологит зэр зэвсгийн тулаан, усан доорх зураг авалт, машины хөөцөлдөөн, мотоциклтой мөшгөлт гээд хором ч нүд салгалгүй үзэх гайхалтай тулаанаар дүүрэн аж.
Энэ удаагийн бүтээлд Жеймс Бондыг зовоодог байсан хорон санаат “Блофельда(Кристоф Вальц)” дахин гарч ирж “Хувь тавилан биднийг дахин учрууллаа. Чиний дайсан бол миний дайсан” гэсэн гүн утгатай үгийг хэлж, шинээр гарч ирсэн хамгийн хорон муу дайсан “Сафин(Рами Малек)” оршин байгаа талаарх сонирхлыг төрүүлэх аж. Мөн олон жилийн харилцаатай Мадлен Суонн(Леа Сейду) ч бас Сафинтай холбоотой гэх нууцыг урьдчилан мэдэгдэж, далд нуугдмал том аюулд унаж байгааг харуулдаг.
Дүрүүдийн өрнөл ч бас үнэхээр өөр гэлтэй. Урьд хожид байгаагүй нөхцөл байдалтай нүүр тулсан Жеймс Бонд, эргэн ирсэн Q(Бен Уишоу), М(Рэйф Файнс), Манипенни(Ноами Харрис) гэх зэрэг MИ-6-ийн гишүүд тус цувралын шүтэн бишрэгчдийг баярлуулах ажээ. Түүнчлэн шинээр гарч ирсэн Номи(Лашана Линч), Палома(Ана де Армас) нар ч бас бодит мэт тулааныг харуулж, Жеймс Бондын төсөөлөхийн аргагүй үйл явдлыг харуулах ажээ.
“No Time To Die” нь тулаант блокбастер киноны түүхэн дэх хамгийн олон ангит цуврал гэсэн амжилтыг тогтоогоод байгаа бөгөөд хамгийн шилдэг тулаант блокбастер гэдгээр олны анхаарал татаж байгаа “007” цувралын 25 дахь бүтээл ажээ. “IT” кино зохиолоор олонд хүлээн зөвшөөрөгдсөн Кэри Фукунага найруулагчаар нь ажиллаж, Дэниел Крейг, Рами Маллек, Лашана Линч, Леа Сейду, Бен Уишоу, Ана де Армас, Ноами Харрис, Рейф Файнс зэрэг жүжигчид цувралын түүхэн дэх хамгийн олон дүрүүдийг бүтээж байгаа гэдгээр хүлээлт ихээр үүсгээд байна.
“No Time To Die” кино 2021 оны 10-р сарын 1-ний өдөр нээлтээ хийнэ.
