“The Matrix: Resurrections”, домгийн шинэ гол дүрүүд..
2021-12-14 17:13:21
Өмнөх ангийн үргэлжлэл, шинжлэх ухааны зөгнөлт, тулаант блокбастерын домог болох “The Matrix: Resurrections” кино нь хүн төрөлхтний төлөө дахин сэрсэн аврагч Нео илүү сайжирсан виртиуал бодит ертөнцөд төхөөрөмжүүдтэй шинэ дайн эхлүүлэх тухай өгүүлэх ажээ. Дэд сэдэв болох Resurrenctions нь сэргэлт, сэргэн мандалт гэсэн утгатай ба 20 жилийн цаг хугацааг давсан шинжлэх ухааны зөгнөлт жанр түүхийн сэргэлт, шинэ эрин үеийн сэргэлтийг танилцуулах аж. “The Matrix: Resurrections” киноны зургаан дүр өөр өөрийн гэсэн өвөрмөц төрхийг постерт харуулжээ. Виртуал орон зай болох Матрицыг хэлбэржүүлсэн тухай түүхэнд олны анхаарлыг татах хүмүүсийн хүчтэй дүр төрх нь кинонд гарах шинэлэг тулааныг өгүүлэхийн зэрэгцээ цаашид ямар түүхийг өгүүлэх нь хүлээлт үүсгэж байна.
“The Matrix” нь виртуал бодит байдлын орон зайд хиймэл оюун ухаант компьютер, үүнийг эсэргүүцэх хүн төрөлхтний тэмцлийг харуулсан шинжлэх ухааны зөгнөлт тулаант блокбастер киноны төлөөлөх бүтээлээр 1999 онд гарч, кино ертөнцөд мэдрэхүйн өөрчлөлтийг авчирсан билээ. Тухайн үедээ эрин үеэ түрүүлэн алхсан цоо шинэ дэлгэцийн бүтээлийн гоо зүй, гүн гүнзгий утга учир, жанрын хувьслаар гайхалтай хайр хүндлэлийг хүртэж байсан бол энэ удаад шинэ эрин үеийн үзэгчдийг гайхшруулах аж.
Нео/Томасын дүрд Киану Ривз, Тринитигийн дүрд Кэрри-Энн Мосс нар дахин хамтран ажилласан нь, кино шүтэн бишрэгчдийн сэтгэлийг догдлуулж байна. Эдгээр жүжигчидтэй “Aquaman”, “Us”-ийн Яхья Абдул-Матин II шинэ Морфеусыг бүтээх аж. “Game of Thrones”, “Star Wars: The Force Awakens”-ийн Жессика Хенвик нь “түүнийг” олохын тулд цагаан туулай ажиллагааг гүйцэтгэж буй Багзын дүрийг бүтээжээ. Дэлхийн хамгийн сайхан бүсгүйн нэг гэж тооцогддог жүжигчин Приянка Чопра цаг хугацааг сөрөн үнэнийг харах Сатигийн дүрийг бүтээсэн байна. Холливудын ахмад жүжигчин Нил Патрик Харрис нь Аналитикийн дүрийг бүтээж, Томасын эмчлэгчийнхээ хувьд зүүд, бодит байдлыг ялгахад нь туслах үүргийг гүйцэтгэдэг. Түүнчлэн “Mundhunter”-ийн Жонатан Грофф, Жада Пинкетт Смит нар тоглосон байна. Мөн Лана Вачовски найруулагч зураг авалтын шинэ технологийг дахин шинэчлэн хүлээлтийг үүсгээд байна. “The Matrix: Resurrections” кино 12-р сарын 24-ний өдөр нээлтээ хийнэ.
Зургийн эх сурвалж: Warner bros
