Киану Ривз “The Matrix: Resurrections, дорно-өрнийн тулалдаанаар ялгарна”

2021-12-22 18:28:23

“The Matrix: Resurrections” киноны гол дүрээр эргэн ирсэн Киану Ривз ярилцлагын үеэрээ Матриксийн ялгарах тулалдааны талаар дурджээ. 2021 онд шинээр эргэн ирсэн “The Matrix: Resurrections” нь хүн төрөлхтний төлөө хувь тавилан шиг дахин сэрсэн аврагч Нео илүү сайжирсан виртуал бодит байдалд төхөөрөмжүүдтэй шинэ дайныг эхлүүлэх тухай өгүүлэх аж. 2021 оны 12-р сарын 21-ний өдөр олон нийтэд цацагдсан ярилцлагын үеэр Киану Ривз “Томас Андерсон, Нео 22 жилийн дараа ямар тулааны урлагийг ашиглан тулалдахыг төсөөлөн гаргаж ирсэн нь үнэхээр сонирхолтой” гэж хэлжээ. 

Улмаар “The Matrix: Resurrections”-ийн тулалдаан нь “Жон Уик”-ээс илт ялгаатай байсан.” гээд “Жүдогийн үүрэх мэхийг хийгээгүй. Өмнөх тулалдах арга барилтай төстэйгөөр бага зэрэг өөрчилсөн ба үнэхээр гайхалтай байсан" гэж маш итгэлтэйгээр хэлсэн байна. Мөн “Өмнөх гурамсан бүтээлд хамт ажилласан Tiger Hu Chen, “Жон Уик”-ээр хамтдаа байсан Эрик Браунтай удаан хугацаанд дасгал сургуулилалт хийсэн.”, “Дорнын тулааны урлаг, өрнийн тулааныг нэгтгэсэн аргаар бүтээсэн тулалдаан нь нэг төрлийн “hard and soft style” гэж хэлж болно” гэж тайлбарлажээ. Киану Ривз өөрийн дүрийн талаар “Өмнөх гурамсан бүтээлд Нео нь бодит ертөнцтэй Матриксийг холбодог, хүн болон төхөөрөмжийн ертөнц хоорондох тэнцвэрийг хадгалж, энх тайвныг хүсэж байсан дүрээр гайхалтай төгсдөг” гэж сэтгэлээ уудалсан байна. 

“The Matrix: Resurrections” кино 2021 оны 12-р сарын 24-ний өдөр нээлтээ хийнэ.