“Pixar”, “Disney” хамтын шинэ бүтээл “Улаан Панда охин” анимэйшн
2022-02-17 05:52:13
Өвөрмөц нарийн мэдрэмжээр үзэгчдийн сэтгэлийг тайвшруулах шинэ бүтээл “Улаан Панда Охин” анимэйшн 2022 оны 03 сарын 11-ний өдөр нээлтээ хийнэ. Тус анимэйшнд 13 настай, шилжилтийн насан дээр яваа Мэй охин нэгэн өдөр хачирхалтай зүүд зүүдлэн сэрсний дараа аварга том “Улаан Панда” болж хувирдаг тухай өгүүлэх ажээ. Шилжилтийн насны ширүүн үеийг туулж байгаа Мэй охин сэтгэл нь хөдлөх юм уу, тавгүй болох, уурлах үедээ улаан Панда болж хувирдаг ид шидэд өртжээ.
Олон нийтэд цацагдсан албан ёсны трэйлерт унтаад сэрсэн өдрөө аварга том улаан Панда болж хувирсан өөрийгөө толинд хараад асгартал уйлах нь анхаарал татах ажээ. Сэтгэл хөдлөлөө удирдаж чадахгүй үе бүрдээ хувьсан өөрчлөгдөх Мэй охин сургууль дээрээ төвөгтэй байдалд орно. Найзуудынхаа ачаар хувиран өөрчлөгдөж байгаа шалтгаанаа бага багаар мэдэж авч буй Мэй ямар байдлаар шүтэн бишрэгчдийгээ өөртөө татах бол гэдэг нь үнэхээр анхаарал татаж байна.
“Улаан Панда Охин” анимэйшн 2022 оны 03 сарын 11-ний өдөр нээлтээ хийнэ.
