“Шидэт Амьтад: Дамблдорын Нууцууд”, ид шид дахин эхэлнэ

2022-03-04 10:24:36

2022 оны 04-р сард нээлтээ хийх “Шидэт Амьтад: Дамблдорын Нууцууд” киноны 18 дүрийн постер цацагджээ. Дамблдорын арми, Гриндевальдын албатууд, улс орнуудыг төлөөлөх ид шидтэнүүд гээд сонирхол ихээр татаж байна. “Шидэт Амьтад: Дамблдорын Нууцууд” кино нь “Шидэт Амьтад ба Тэднийг Хаанаас Олох Тухай”, “Шидэт Амьтад: Гриндевалдын Гэмт Хэргүүд”-ийн үргэлжлэл, Ж.К.Роулингийн ид шидийн ертөнц, түүний гурав дахь бүтээлээр хамгийн том, хамгийн аюултай, дэлхийг аврах ид шидийн дайныг харуулсан кино юм.

Олон нийтэд цацагдсан дүрүүдийн постерт өнгөрсөн 100 жилд хамгийн аюултай ид шидтэн Гриндевальд, түүний эсрэг Дамблдорын арми, мөн улс орныг төлөөлөх ид шидтэнүүд цуглаж, ид шидийн дайныг харуулах ажээ. Ид шидийн ширүүн тулаан, ялангуяа өмнөх бүтээлд нэр хүндийг олсон гайхалтай амьтдын сэтгэл татам байдал, шинэ дүрүүдийн эрч хүч сонирхлыг илүү ихээр татаж ажээ. 

Агуу ид шидтэн Дамблдорын армид Ньют, гайхалтай амьтан Пикет, Ниффлер, Ньютийн нарийн бичиг Банти, Францын ид шидтэн Юсуф Кама, Ньютийн ах Тесеус, шидтэний сургуулийн багш Лэлли, Магл Жэйкоб, Дамблдорын дүү Аберфорт багтах аж.  Харанхуйн шидтэн Гриндевальдын дагагчид нь Обскурусын илрүүлсэн Криденс, урвасан Куинни, Францын шулам Винда Розье, Германы Auror-ийн Хельмут нар ажээ. Мөн улс орнуудыг төлөөлөх Антон Вогел, Висенсиа Сантос, Лию Тао гарч ирнэ. 

“Шидэт Амьтад: Дамблдорын Нууцууд” киног өмнөх ангийг найруулсан Дэвид Йейтс найруулж, эх зохиолыг бичсэн Ж. К. Роулинг кино зохиолыг бичжээ. Эдди Редмэйн, Жүд Лоу, Кэтрин Уотерстон, Дэн Фоглер, Элисон Судол, Эзра Миллер гээд дэлхий дахины анхаарлыг татсан гол дүрүүд тэр хэвээрээ гарах аж.

"Ханнибал" цувралаар үзэгчдийн сэтгэлд хоногшсон жүжигчин Мадс Миккельсен харанхуйн хүчтэй ид шидтэн Геллерт Гриндевальдын дүрийг бүтээсэн байна. 1-р ангид Америкийн Нью-Йорк, 2-р ангид Францын Парис, энэ удаад Бразилын Рио-де-Жанейрод зураг авалт хийгдсэн нь илүү өвөрмөц уур амьсгалыг харуулах ажээ. 

“Шидэт Амьтад: Дамблдорын Нууцууд” кино 2022 оны 4-р сарын 15-ны өдөр нээлтээ хийнэ. 

Зургийн эх сурвалж: Warner bros