"Юрийн галавын ертөнц: Ноёрхол” кино 2022 оны 06 сарын 10-ны өдөр нээлтээ хийнэ

2022-05-10 16:07:22

Кино түүхийг өөрчилсөн “Юрийн галав” цувралын сүүлчийн анги хийгээд дэлхий дээрх хамгийн том блокбастер кино болох “Юрийн галавын ертөнц: Ноёрхол” 2022 оны 06 сарын 10-ны өдөр нээлтээ хийхтэй холбогдуулан гол постер, трэйлерийг олон нийтэд хүргэжээ. “Юрийн галавын ертөнц: Ноёрхол” киноны гол постерт “Юрийн галавын цэцэрлэг”, “Юрийн галавын ертөнц” цувралуудын гишүүд хамтдаа тоглож байгаа нь дэлхий дахины кино шүтэн бишрэгчдийн сэтгэлийг догдлуулж байна. “Юрийн галавын ертөнц” цувралын Крис Прэтт, Брайс Даллас Ховард нар болон шинээр ДеВанда Уайз, Изабелла Сермон нар нэгдэн гайхалтай бүтээлийг үзүүлэх ажээ.  

Мөн “Юрийн галавын цэцэрлэг” киноны багийн үндсэн гишүүд хийгээд докторуудаас бүрдсэн Лора Дерн, Жефф Голдблюм, Сэм Нилл нар тоглож, бусдыг өөртөө татдаг гайхалтай байдлыг киноны зэвсэг болгон харуулах ажээ. “Дэлхийн том блокбастер кино, одоо бүх зүйл дуусч байна” гэдгийг мэдрүүлэх мэт 1993 оноос 2022 оны хүртэлх кино түүхийг өөрчилсөн дэлхийн том блокбастер киноны цувралын агуу аялал дуусах цаг хугацаа ирснийг мэдэгдэнэ. Гол постертой хамт олон нийтэд цацагдсан трэйлерт үлэг гүрвэл сургагч Оуэн (Крис Прэтт)-ы өсгөсөн хамгийн их мутацид орсон үлэг гүрвэл Блью өөрийн зулзага Бетатай хамт гарч ирж анхаарлыг татах болно. Оуэн “Зулзагыг чинь буцааж авчирна гэж амлаж байна” хэмээгээд хүн төрөлхтөн, үлэг гүрвэл нарын хамтын оршлыг харуулах ажээ.  

Тус трэйлерт “Юрийн галавын цэцэрлэг”, “Юрийн галавын ертөнц” цувралуудын гишүүд нэгдэж, мөхөлтэй нүүр тулаад байгаа хүн төрөлхтний амьд үлдэх сүүлийн тулааныг харуулах аж. Трэйлерийг л үзэхэд айдас түгшүүр, маш нарийн зураглалтай байдаг. “Юрийн галавын ертөнц: Ноёрхол” киноны трэйлерийн сүүлийн хэсэгт дэлхий дээрх хамгийн том махчин үлэг гүрвэл гиганотозавр гарч ирснээр дуусдаг.

Кино театрын өргөн дэлгэцээр үзэж байж л гайхалтай нарийвчлалыг харах боломжтой, хүчирхэг тулааныг харуулсан “Юрийн галавын ертөнц: Ноёрхол” нь сүүлчийн анги гэдгээрээ өмнөх цувралуудаасаа тэс өөр мэдрэмжийг өгөх ажээ.  

“Юрийн галав” цувралын сүүлчийн анги, блокбастер кино болох “Юрийн галавын ертөнц: Ноёрхол” 2022 оны 06 сарын 10-ны өдөр нээлтээ хийнэ. 

Зургийн эх сурвалж: Universal pictures