Крис Эванс “Ийнхүү мөрөөдөл маань биеллээ”

2022-05-20 04:26:52

Крис Эванс “Captain America: The First Avenger”-ээс авахуулаад “The Avengers” цувралд тоглосноороо өөрийгөө батлан харуулсан. Олонд нэр хүндтэй болсон гэдгээрээ бахархах тэрээр Базз Лайтерийн дүрд дуу оруулж, үзэгчидтэй онцгой нэгэн дүрээр уулзах ажээ. Тэрээр 2020 онд анх "Lightyear" бүрэн хэмжээний хүүхэлдэйд дуу оруулах жүжигчдийн сонгон шалгаруулалт зарлагдах үед өөрийн хувийн олон нийтийн цахим сүлжээгээр “Пиксарын үнэнч шүтэн бишрэгчийнхээ хувьд мөрөөдөл маань биеллээ. Үгээр илэрхийлэхийн аргагүйгээр сэтгэл минь маш их хөдөлж байна.” гэж сонгон шалгаруулалтын талаарх сэтгэгдлээ үлдээсэн байна. Мөн тус киноны олон нийтэд цацагдсан постер, трэйлерийг өөрийн олон нийтийн нийгмийн сүлжээндээ тууштай оруулж, бусдаас өөр хайр халамжийг харуулсан билээ.

Дисней болон Пиксар студийн огторгуй ертөнцийг харуулсан “Lightyear” нь үл мэдэгдэх гарагийнхантай зөрчилдсөн хүн төрөлхтнийг аврахын тулд Базз болон түүний туршлагатай багийнхан амь насаа үл хайрлан даалгавраа биелүүлж байгааг дүрсэлсэн бүтээл юм. “Доригийн эрэлд”-ийг хамтран найруулсан Энгус Маклейн найруулагчаар нь ажиллажээ. 

2022 оны 06 сарын 17-ны өдөр нээлтээ хийнэ.  

Зургийн эх сурвалж: Disney