Натали Портманы гарын булчингаа гайхуулсан “Thor: Love and Thunder” шинэ зураг

2022-05-20 12:41:03

“Thor: Love and Thunder” кинонд зориулж булчингийн массаа нэмсэн жүжигчин Натали Портманы зураг олон нийтэд ил боллоо. 2022 оны 05 сарын 16-ны өдөр “Thor: Love and Thunder” кино баг шинэ зургийг олон нийтэд дэлгэж хүлээлт үүсгээд байна. Тус зурагт Шинэ Асгардыг удирдаж байгаа Валькири(Тесса Томпсон), Жейн Фостер(Натали Портман) нарын дүр төрх байх ажээ. Ялангуяа Натали Портман нь 1-р ангид Тор(Крис Хемсворт)-ын өмссөн хувцсыг өмссөн нь анхаарал ихээр татаж байна.

Натали Портман нь эмэгтэй Тор гэж дуудагддаг Маяти Торын дүрийг бүтээхийн тулд булчингийн массаа нэмж, булчинлаг гараа ил гаргасан байна. Саяхан цацагдсан трэйлерт ч бас Торын алхтай ижил алхыг барьсан Жейн гарсан нь шүтэн бишрэгчдийн анхаарлыг татаад байна. Натали Портман нь хэр их хөлсөө урсгасныг мэдэж болохоор, хараад л харцаа үл салгах гарын булчингаа гайхуулж, урьдын уян зөөлөн байдлаас тэс өөр дур булаам байдлыг харуулах ажээ. “Thor: Love and Thunder” нь Тор цувралын 4 дэх анги бөгөөд шинэ аянд гарсан Торын түүхийг өгүүлэх аж. Марвелын баатруудаас түүхэнд анх удаа 4 ангитай соло кино болж байгаа бөгөөд 2022 оны 07 сарын 08-ны өдөр нээлтээ хийнэ.

Тус кинонд жүжигчин Крис Хемсворт, Натали Портман нар тоглож, Тайка Вайтити найруулагчаар нь ажиллажээ. Тор болон Маяти Тор нар энэ удаад хэрхэн гар нийлж, Марвелын шүтэн бишрэгчдийн сэтгэлийг хөдөлгөх нь сонирхол татаж байна. Мөн Тесса Томпсон, Крис Прэтт, Кристиан Бэйл зэрэг өмнөө барьдаг жүжигчид тоглосон учир шүтэн бишрэгчдийн хүлээлтийг маш ихээр үүсгээд байна. 

Зургийн эх сурвалж: Disney