“Thor: Love and Thunder” киноны постер, трэйлер цацагдлаа
2022-05-26 02:06:30
Олон нийтэд дэлгэгдсэн гол постерт гоёмсог, өнгөлөг өмсгөлөөр харц булааж, энэ зуны шилдэг хүлээлттэй кино гэдгээ зарлаж байна. Гол дүр Тор(Крис Хемсворт) нь Марвелын төлөөлөх баатар хийгээд аянгын бурхнаар шинэчлэгдсэн гоёмсог өмсгөлөө гайхуулж, илт давуу гэдгээ өөрийн зогсолтоор харуулах ажээ. Т
үүнтэй хамт Майти Тор(Натали Портман) ихэмсэг бардам дүр төрхөөр хүчирхэг гэдгээ гайхуулж, төсөөллийг давсан шинэ баатар төрснийг илтгэнэ. Мөн өмнөх ангид Тортой гайхалтай гар нийлж үзэгчдийн сэтгэлийг татаж байсан Корг(Тайка Вайтити), өвөрмөц харизмаг харуулж байсан Валькири(Тесса Томпсон)-ийн дүр төрх нь шинэ хоршил, сонирхолтой түүхийг өгүүлэх гэдгээр хүлээлт ихээр үүсгэж байна. Онцгойлон нууцлаг байсан гол хорон санаатан Горр(Кристиан Бейл) анх удаа өөрийгөө илчилж, түүхэнд байгаагүй аюул заналыг учруулах нь сонирхлыг улам ихээр татаж байна.
Коргийн гайхалтай дур татам дуу хоолойгоор эхлэх гол трэйлерт супер баатар Торын өнгөрсөн аяллын нөлөөг харуулснаар сонирхлыг төрүүлэх аж. Сансар огторгуйг нэгтгэн илт давамгай хүч чадал, алдар сүрээр бахархах аянгын бурхан Торын дүр төрх нь экс найз бүсгүй нь байсан, одоо Майти Тор болж дахин төрсөн Жэйн Фостер(Натали Портман) гарч ирснээр өөрчлөгдөж байгаа нь үзүүштэй. Харц булаам хүчирхэг хувцаслалтаар гарч ирсэн хорон санаатан Горр нь бурхдад уурлан хилэгнэж, бурхдыг хүйс тэмтрэхээ зарлан, байлдахын тулд түүхэнд байгаагүй нарийвчлалтай тулааныг өрнүүлэх нь хүлээлт үүсгээд байна.
“Thor: Love and Thunder” киног өмнөх “Тор: Рагнарок” бүтээлээр өвөрмөц найруулах чадвараараа илт давуу болохоо баталсан Тайка Вайтити дахин найруулсан нь шуугиан тариад байна. Аянгын бурхан Тор болох Крис Хемсворт эргэн ирж, шинэ баатар Майти Тор болсон Натали Портман, Горрын дүрийг Кристиан Бэйл, Зевсийн дүрийг Рассел Кроу гэх зэрэг Холливудын төлөөлөх одууд хамтарч, цуврал киноны түүхэн дэх хамгийн шилдэг дүрслэл, сонирхолтой үйл явдлыг харуулах энэхүү бүтээл нь ихээхэн хүлээлтийг үүсгээд байна.
“Thor: Love and Thunder” кино 2022 оны 07 сарын 08-ны өдөр нээлтээ хийнэ.
Зургийн эх сурвалж: Disney
